غرفة الاسرار

ياجماعه ترا عادي وصلت مرحله ارثى لها صرت مخصصه لي غرفه حاطه فيها شنطه وبالشنطه ملابس بيبي لبنت وولد دايم اتخيل ان ربي رزقني بنت وولد توائم وسلمين ومتعافين ويشبهون بعض واني طلعت من النفاس وخلصت من قلق النفاس والزوار الثقال حتى مره حطيت ملابسهم فوق رجولي اجرب هل رجولي بتستوعبهم او لا وربي انا نفسي رحمت عمري دخلت مواضيع كثيره عن المنشطات الطبيعيه والكلوميد والابر بس مدري كيف ربي يبعد عني الحمال لمن استخدم هالحبوب او استهبال واتناول اعشاب ومراميه واناناس وعشبة المدينه وقتها يكون زوجي بيسافر او تجيه مهام عند اهله ويتركني ويروح خخخخخخخخخخخ بس ارد واقول ربي يريد لي الخيره واخر شي توصلت له عزاء لي انو اكثر استغفار بنية الحمال بالتوائم المتعافي السليم واني قررت انو اصلي بجوف الليل ركعتين للحاجه والتقرب لله وادعي بسجودي رب لاتذرني فردا وانت خير الوارثين وانا الحمد لله راضيه بكل الي يعطيني اياه رب العالمين بس مابيكم تدخلون موضوعي وما استفدتوا بعطيكم فائده لمن تخلصين من الدوره وتطهرين او قبل الطهر بيوم جيبي حجر وديان الي مايتكسر يكون صلب وجيبي علبة نيدو او اي شي وحمي الحجر لمدة عشر دقايق او ربع ساعه وبعدين تكونين مجهزه علبة مويه صغيره مقري فيها ونقعي فيها شوية مره وملح خشن تقريبا ملعقه من كل نوع وانثري شوية مويه على الحجر وراح يبخر انتبهي لاتقربي بقوه له راح يحرج ويحرقج مثل الساونا
وانت لافه جسمج بفوطه او بطانيه ماتبينها طبعا شايله ملابسج الداخليه وكل ما نثرتي شوية مويه قربي بشكل وبمسافه معقوله لدرجة انو الدخان يدخل فيج ومايحرقج راح تحسين انك ترتاحين وانو الهواء راح يطلع وكمان يطرد الشياطين والعين يخففها بمشيئه الله طبعا هذي طريقه جنوبيه عرفتها من وحده جنوبيه فاعجبتني وحبيت افيدكم بنية حملي السليم وولادتي السليمه بالتوائم
ورزقي بالتوائم التامين لازياده ولانقصان
وبس امروني بس تراي ما اتابع موضوعي اي شي انا حاضره بالخاص ولكم مني كل شكر وتقدير انكم تحملتوا احلامي الي ماخبرت احد عنها غيركم ااااااااااااااااش لاتعلمون احد >>>>>>>>>>>>>>> الله يرزقها توم وتهجد