تسلم يمينك قلتى اللي كنت ابا اقوله انا سويت اربعه عمليات اخرها بنج نصفي يعنى صاحيه مافي تعري بالصوره البشعه اللي تقولوها يكشفو منطقه العمليه الممرضات ويغطوالباقي وبعدين يدخل الطاقم الطبي والتخدير ووقت العمليه محد حولك الدكتور ومساعده مشغولين بالمصيبه اللي في يدهم والتخدير يراقبو الاجهزه ومحد يطلع ولا يدخل عشان التعقيم

المضحك بالموضوع أن الوحدة تبني أفكارها من غير ما تشوف على ارض الواقع او حتى تعرف السبب الحقيقي..
ياما سويت عمليات و ما ادخل الغرفة إلا الممرضات جهزو المريضة من ناحية الغطاء و أجي انا و الدكاترة اللي معايا ننظف الممكان اللي راح نسوي فيه العملية.. لا أنا ولا الدكاترة عامة عندنا اي اهتمام انو نشوف حريم أو رجال عراية كل همنا يارب ما تواجهنا مشاكل بالعملية و تنجح من غير أي مخاطر... و نحلق نشوف المرضى اللي بالتنويم قبل ما يخلص الدوام...
لحماية المريض من البكتريا و الفيروسات ما يسمح للمريض أن يلبس لبس المستشفى خاصة لو كانت مكان العملية مغطاءة بالملابس..لأن وقتها الشخص ممكن يموت بالإلتهاب و نصير إحنا مسؤولين..
لو أي وحدة هنا معترضة و شايفة الأطباء أنهم يهتكون ستر المرضى و أن إحنا همج و غرائزنا تخلينا نندفع و نكشف أجسامكم و نتتلذذ بجمالها تروح لطبيب شعبي ولا طبيبة شعبية و تعالجها... و ريحونا من اعتقاداتكم اللي مبنية على اسس واهية.

السلام عليكم


الظاهر ان هذا الموضوع قديم لكن انا شفت له رفع اليوم و حبيت ادلي بدلوي فيه و انا والدة بنفس المستشفى في السعودية لكن على ايدي طبيبتين مختلفتين الاولى ملتزمة و منقبة الله يذكرها بالخير و يرزقها الجنة ما تخلي رجال يقرب على غرفة الولادة و اصلا تابعت عندها في مستوصف اذا مر رجال في الممر الي فيه غرفتها ينادوه الممرضات ما في رجال و يمنعوه وترفض تدخل رجال لعيادتها حتى اذا معهم حريمهم وولدتني مستورة بشرشف رافعينه على قدر الحاجة و حتى الي استلموا البيبي حريم اما في ولادتي الثانية كانت قيصري و قبل العملية سالت الطبيبة اذا في امراة تبنج و جاوبتني بنعم و قلتلها حابة امراة و فاجاتني وقت العملية برجل مبنج و لما قلتلها وين دكتورة التبنيج قالت مهو دوامها اليوم و بيبنجك رجل و ما رح يشوف الا مكان التبنيج مع انها قبل طمنيتني و حاضر يا حبيبتي موجود عنا مبنجة و بتبنجك امرأة و من كلام التصريف هذا و بلعناها انا و زوجي بغصة لانه خلاص تحطينا امام الامر الواقع و لبسوني لباس العملية المفتوح من ورا و مددوني عالطاولة و غطوني بشرشف بس وجهي و شعري مكشوفين الا و اتصدم بدخول رجلين لغرفة العملية مدري ايش ياخذو من الخزانة سحبت الشرشف على راسي و غطيت نفسي لين طلعو بعدين اجا دكتور التبنيج بنجني و ما عريت سوى اماكن حقن التبنيج بظهري و اجت الممرضة و بدت تحضرني للعملية و انا كاشفة طبعا و كنت في حالة سيئة من اثر البنج لكن الحمد لله كنت واعية لاني طلبت بنج نصفي بعد ما خيرتني الدكتورة بين النصفي و الكلي و دخلو ثاني رجال و انا لسه كاشفة شعري ووجهي و مش دارية انو الي جاي اعظم صرخت فيها ليش الرجال هون ارتبكت و سكتت و هم سمعوني و خرجو و اجت الدكتورة و رفعت الشرشف لفوق الصرة قتلها غطيلي رجولي اذا ما في حاجة لكشفها قالت لازم اعقم بعدها اغطيك و هي تعقم و انا نصفي من تحت كلو مكشوف لمحت الرجال على باب الغرفة داخلين و قلت للدكتورة ليش الرجال هون تقولي لالا ما في رجال و تصرفني و اقولها فيه رجال و تقلي هذم يساعدو المبنج طيب ما انا تبنجت و خلصنا بانهي مناسبة داخلين و تنرفزت و جابولي الهم على ما انا فيه من تعب و هي باقي تعقم في مكان العملية و كلي من تحت مكشوفة ولا همها و انفعلت و قلتلها مرة ثانية غطيلي رجولي اذا ما فيه داعي لكشفها فقالت للممرضة غطيها و غطتني و لو ما الحيت عليها كانت عادي ما همها و مستسهلة الامر و كمان دخلت طبيب الاطفال و قالتلي لازم هو الي يستلم البيبي و هو الحق يقال كان داير وجهه للحيطة و الله انصدمت في تهاون كثير و عدم حرص والله مش مسالة كشف للضرورة و انا من هذي التجربة السيئة قررت اكتب في خصوص هذا الموضوع لمدير المستشفى و انصحة يتقوا الله في عورات المسلمين و يحرصوا على الستر لانو الي شفته تهاون و استسهال يحاسبهم عليه رب العالمين و هذي الدكتورة مو حابة اشيل عليها لاني ما قد شلت على مسلم لكن في المقابل والله مو قادرة اسامحها من قلب و مستحيل اكرر تجربة الولادة معها و اتمنى كل من شافت تهاون او تساهل تبلغ ادارة المستشفى تكون هي بلغت و ابرت ذمتها و هم يتحملوا مسؤوليتهم امام رب العالمين

بنات خوفتوني صراحه انا مقدمه على جراحة وخايفه هالشي يصير معي

الله يسترنا بستره ،،،،،،