فكرة غرفة الغسيل ممتازة ورايقة

فيلتي الجديدة جاهزة

عيبها مافيه مكان للغسيل
يادوب للغسالة فقط وبالطابق الثالث مع ملحق كان سابقا للخادمة ومن تجربتي الشخصية ماينفع تخلي الشغالة بملحق بالطابق الثالث

وحطيت رفوف للصابون ومتعب علي الغسيل فيها


ويوم شريت المجففة تورطت فيها وخليتهابغرفة الخادمة واكتشفت انهاماتفتح الشباك اذا شغلتها لان زوجي ماعمل لها تسليك خارجي على اساس ان تفتح الشباك اذا شغلتها


لا ومخلية الستارة وراها زين ما احترق البيت حتى ماتكلف على نفسها ترفع الستارة


غير ان المجففة فيها بقايا الاقطان ماتنظفها

والملابس تنشرها بغرفتها الخايسة الي ماتفتح شباكها
وللكي الملابس مرمية على السجادة رغم اني موفرة لها علاقات بالغرفة وسلات للغسيل ورفوف للتعليق
والغسالة وصخة
وكل سلات الغسيل الي شريتهم لها ا كل وحدة بمكان ووصخين الي بمهم ماء نقع وبقيا صابون
او سلات تقسيم الملابس كنت اشتريهم لتسهيل الغسيل السلة الي اخذتها من ساكو كسرتها ولا علمت
والسلات الثانية وصخة ثيابنا الوصخة انظف منها




وبالنسبة لي كان متعب علي الغسيل بهالصورة انا جلستي مع عيالي بالطابق الارضي فمو سهل علي حتى بصحتي فكيف بالحمل ان اصعد 4 مرتفعات لاصل للغسالة مهما كانت الغسالة مريحة
والغسيل يحتاج متابعة حتى لو غسالة اوتامتك
غير ان كل صعود لي لغرفة الغسيل ينتهي بهواش مع الشغالة من الوصاخة الي اشوفها وبالنهاية مشكلة مع زوجي لاني اقول له ما ابيها هذه وحدة مامنها فايدة وتاعبتني ومهما نظفت وراها ترجع توصخ وانا جايبة شغالة لاخدمها مو تخدمني
وبتخرب لي البيت
وانا مافيني حيل صاعدة ونازلة نزل لي الغسالة والمجففة وجيب سباك يسلك لي اي مكان عساك لو تحطها بحمام غرفتنا

ابي اغسل ثيابنا ما ابي ارميهم على شغالات


الحين قررت ابني غرفة غسيل واغسل الملابس بنفسي وهو اقتنع بعد مانقلعت وبعد ما بنفسه شاف البلاوي وراها بنفسه يوم صعدنا الملحق واضطر هو بنفسه يغسل مرة ثيابنا لاني كنت مريضة شاف كل الي اقوله واسوأ حتى هو قرف وتقزز انه كيف انسان عايش بكوم هالزبالة
المكان الوحيد الي لقيته هو المطبخ الخارجي لاني ما استخدمه كثير
عيبه الحر والبرد لاني لازم اطلع جزء بسيط من الحوش لامر عليه لكن ميزته انه واسع واقدر ابني فيه غرفة مريحة للغسيل وبتكون تطل على الحديقة بحال لو عيالي يلعبون وقريب للصالة والمطبخ مكاني الي دايم فيه فاريح لي انه بنفس الطابق


غير ان الحوش بيسمح لي بمساحة جيدة لنشر الملابس على العلاق الخاص بالغسيل فاوفر طاقة بدل استخدام المجففة ليكون استخدامها للشديد القوي
على فكرة اكثر شي يستهلك كهرباء بالبيت المجففة والسشوار والمكواة الكهربائية

وللمكوة (الشغالة الي تكوي خليتها بالطابق الثاني باحد الغرف الي ما استخدمها كثير مع علاق متحرك للملابس تعلق عليه الثياب لان غرفنا بالدور الثاني )يعني بسهولة تتم عملية توزيع الملابس غيرانه يسهل علي متابعتها لاتاكد من استباب الامور




كل معارفي الي اعرفهم الي يبنون بيوت يحطونها بملحق مع المطبخ مثل النظام الامريكي ومريح جدا لانك وانت تطبخي تغسلي الثياب ولما تجف اما تنشر او اصلا حتتجفف وتؤخذ للطابق العلوي للكي


ولو ببني بيت اول شي بسويه

ان غرفة الخادمة مع ملحق غرفة الغسيل والمطبخ يكونون كلهم بالطابق الارضي