غرفة النفاس...................؟؟؟

الغرفه اللي لم تنتهي من فرشها إذا هي مش صغيره اعتقد تنفع للنفاس ... حطي فيها سريرك مع سرير المولود وممكن شوية كنب حتى لو تأخذيهم من كنب المجلس أو بعض كنب الصاله وشوية إكسسوارات ...والضيوف ممكن تستقبليهم فيها واذا كان العدد وايد كبير ممكن البعض يجلس في الصاله ..

انا عن نفسي اكون في بيت اهلي و اكون في غرفه مخصصه لي تحت
فيها كنب و سريري و سرير البيبي

امي تستقبل الضيوف في المجلس و تضيفهم و بعدين تدخلهم عندي يسلمون و يقعدون دقايق و يطلعون

الطريقه جدا مريحه لي :)

تقدرين تخلين الغرفه اللى ماخلصتى منها لك على طول فتره النفاس يعنى اوقات النهار وماعندكم ضيوف وبالليل وامك تنام معك فيها والاكل فيها حقك 00ولو جاك ضيوف تطلعين بالصاله00اعتقد حل مريح وعملى000والله يقومك بالسلامه00

انا استقبلهم في غرفه مخصصه لي مثل ام صلوحي .. لان ولادتي قيصريه وصعب علي استقبالهم في صاله او مجلس فالغرفه تكون وااجد اسهل وماتخلي الضيوفي يجلسون لفتره طويله وانتي طالعه من ولاده وتعبانه.:26:

انا رايي مثل أختي الورده النديه الغرفة الي ما خلصت امك تنام فيها وكمان انتي ويكون اكلك وحسة انفاس فيها واذا جوك الضيوف جلسيهم في الصاله طبعا الصاله حطي فيها سلة حلاو .