سوسه لوف جزاك الله خير ..

ذوق تفآءلت بتوقيعك .. والله يعطيك العافية

سبحان الله الأنساان لوحده يراقب كل شيء اذا عندك بزورة تنسين نفسك

الأشياء اللي صارت لك عاادي

التلفزيون اتوقع جاته موووية من الأمطار لا يكون قريب من الطاقة ولا الجدار ينزل من السقف مثل بعض العماير <<< مجرد تحليل خخخ


الستارة يمكن الشمس لعبت فيه مصلبة

تصدقين الشمس تقطع قماش الستارة ماهو الكل فية نوعياات طبعا مع مرور الزمن

الساعة البطارية ضعيفة

الله يحفظنا ويحفظكم وكل مسلم

هذي سالفتي والله يثيبني ويثبتني

اعتمرت برمضان اللي راح وتركت بيتي اسبوع مع أني قبل ما أتركه فاتحه على إذاعة القران في أغلب الغرف والمطبخ

لكن بعد مارجعت من دخلت البيت حسيت بوحشة مع أن بيتي ونيس ما أستاحش فيه لو أقعد فيه لحالي

ويوم جيت أبدل ملابسي بعد حوسة المطار والطيارة سبحان الله ما ارتحت حسيت كأن فيه أحد يطالعني سميت ولبست بسرعة

ومابينت لأحد أبد

رحت للمطبخ أصلح القهوة علشان نريح بعد المشوار و ننشط للسحور وألقى الطاحونة خربانة

وأجيب الثانية الي أطحن فيها الهيل ونفس الشي ماتشتغل

إنا لله وإنا إليه راجعون قلت لبنتي تطلع الطاحونة الجديدة و أسمي وأشغلها لفت لفة وحده وبعدها وقفت

جمعتها كلها وحطيتها في كيس للصيانة ولاحظي مالي إلا اسبوع طاحنة فيها

الثياب أكويها وأعلقها قبل ما أترك الغرفة وإلا هي طايحة على الأرض

الفرن أقصر للنار على الأكل وأروح شوي لشغل ثاني أجي ألقى الأكل شايط والنار أعلى شي مع أن عيالي نايمين وأنا أطبخ

المقاضي تخلص بسرعة والأشياء تضيع و الصحون فجأة تطيح من شبك المواعين و عيالي كل شوي قابسين مع بعض شيء يحير العاقل

وصارت تجيني كوابيس في نومي وما أعاد أتهنى بنومة كرهت غرفة نومي ورحت للمجلس أنام فيه

وفرشت لي فراش في المجلس وقريت أذكاري وما أمداني أغفي إلا هالعجوز تحاكيني تقول لي ابعدي شوي خلينا نتوسع

وأقوم مفزوعة وعرفت أن كل اللي إنا فيه منهم

والي أكد لي توي شارية كيس الصابون فيه 16 كيلو عبيت منه في علبة قد 3 كيلو ونسيت أربطه ومن بكرة وإلا مافيه إلا ربعه

ومن حر ما أوجس قلت بصوت عالي الله يقاصرنا ويقاصركم بالإحسان ماجيتكم لا تجوني ما ضايقتكم لا تضايقوني

ومن بعدها ويوميا سورة البقرة تشتغل مع رقية الشيخ السدحان

وحده من زميلاتي قالت لأخوها وهو شيخ قال لازم البيت يجي شيخ يقرأ في غرفه لكن ماجبت أحد أعومل على نفسي

أتعاهد نفسي وعيالي بالأذكار و أشغل سورة البقرة و الرقية الشرعية

خوفتوني يابنات وبالذات قصتك ياشذى الافندر

استمروا على القران والاذكار وجيبوا شيخ يقراء بالبيت والله يكفيكم شرهم

تصدقين ياشذا بديت اسمع في الآونة الأخيرة اصوات كأن أحد يفتح الباب وأقوم أشوف بس ما الاقي أحد ؟

والصراحة زمان كنت اشغل المسجل بس سبحان الله كل ماشريت مسجل يخرب ؟

والتلفزيون مدري وشفيه خرف فجأة مع اني دايم اخليه ع قناة المجد للقرآن الكريم ..



والله الصراحة يبغالنا ع طول نشغل القرآن ونخفف موسيقى البرامج ونقفلها بالأصح .. والله يكافينا شرّ من به شرّ