من وجهة نظري لازم يكون البيبي بغرفة لوحده

أولا علشان الاب .. حرام بكرا وراه دوام وانتم طول الليل ياصياح او ترضيع او هز علشان ينام البيبي

ثاني شي غلط واكبر غلط ان البيبي يشوف الممارسات الحميميه بين الاب والام وهو بهالسن .. لاتتوقعين ان بنتك ماتفهم .. هي صح ماتفهم وش يصير بالضبط لكنها تفسر الامور ببالها لما تكبر على انه شي عدواني كان يصير بينكم .. الاطفال ذاكرتهم قوية ومن يكونون بالاشهر فيه امور تمسك ببالهم لحد مايكبرون وممكن تسبب لهم عقد

انا ما ادري بالضبط عن صحة هالكلام بس قريته بكتب نفسية وتربوية كثيره

ممكن تنومين بنتك بغرفه لوحدها قبل يجي ابوها .. ولما يجي ادخلي معاه غرفتكم سولفو شوي وسوو كل اللي تبون .. ولما ينام روحي لغرفة بنتك شوفي وضعها نايمه ولا صاحيه .. واذا صاحيه اجلسي معاها وبكذا تصيرين عدلتي بينهم بدون ماحد يتضايق

موفقة يارب

انا شخصيا خرجت بنتي لحالها وهي شهرين ونص
حطيت جنبها كنبه لي لمن اجيها الليل وسماعة علشان اسمع بكاها
والحمدلله
ورغم اني حصلت انتقادات واني ام شريرة وكلام كذا
بس انا وبنتي وزوجي مرتاحين

من جد انك ام شريرة وماهمك غير نفسك

هلا فيكم بنات من زمان عن الموضوع
تصدقون الان جالسين نرتب الشقة الجديدة وبصراحة لقيت مكان بغرفتي لسرير بنتي بالغصب هههه احس مو قادرة ابعدها عني..
خصوصا اني سافرت مع اهلي اسبوع وصارت تنام جنبي عالسرير اوف تعودت عليها
بس والله خربت بنتي صارت صيووحة ودلوووعة مرة مرة تبيني بس اشيلها..:(
مدري كيف بتتعدل..الله يعين يارب..
بس راح استقوي واحط سريرها بغرفتها ان شاء الله الله يسهل يااااارب..

بخصوص الشغالة مستحيل اخلي بنتي تنام مع شغالة ايا كانت حبشية او اندونيسية او اي جنسيه..
اذا بتنام مع احد تنام معي اولى ..!!
ليش احطها بحضن الغريب....!

اختي كاتلكو صراحة الي سويتيه حلو وكنت ناوية اسويه بس لما ولدت بنتي مرة تعلقت بها وغير كذا ماقدرت اجيب السرير للغرفة الثانية عشان كذا خليتها بغرفتي ولكن الحين الوضع ان شاء الله بيتغير بالبيت الجديد.

اختي بخور صدقتي صراحة انا اتذكر امور صارت وانا لسه ماكملت سنة واخاف بنتي تصير زيي هههه ماله داعي..
عاد انا طلعت من بدري بغرفة ثانية وكانوا ابوي الله يرحمه وامي يتناوبون علي..

اختي مزيونه حلو بينكم باب..
لو البيت حنا مسوينه خليت غرفتها جوا غرفتي او بينهم باب
بس مشكلة الايجار غرفنا جنب بعض والباب جنب الباب وكلها بجناح واحد ودي افتح الجدار هههه بس عيب فشيله من راعي البيت..
لكن الله يسهل ان اضطرينا سحبنا سريرها عندنا او نقلنا نومتنا عندها هههههه

صراحة مابي زوجي يصير له غرفة لحاله..هههههه

حبيبتي مولازم كلكم تنامون بنفس اللحظة
اذا صحت بنتك خلي الوضع كول كملي سوالف انتي وزوجك وبعدين اطلعي بالصالة واجلسي انتي وياها لحد ماتنام
انا عني اسهر مانام وقت زوجي فلما يجي يوم تزعجه بنتي مايقول شي
لوحطيتيها بغرفة لحالها اول شي لازم تكون الغرفة قريبة منك غير كذا لازم تشترين مونتور الي في كاميرا عشان تشوفينها وهي نايمه وتطمنين عليها
بتقومين بالليل تصلحين لها الحليب
والامور سهلة ان شاءالله كل ماتكبر البنت ينتظم نومها ويكون ثقيل لاتعودينها على الهدوء كثير خليها تنام بالصالة كم مره والتلفزيون يشتغل