سبحان الله اخيرا فيه احد نفسي الله يوسع علي وعليك شوفي انا لقيت حل قريب سله قماش صغيره للملابس اتا حطيتها الالعاب عيالي والمنشر نفس مشكلك احطه بغرفت النوم وماصه المكوى بغرفت النوم لان الصغار يلعبون بصاله اخاف طيح عليهم هدا حالي ادا جاني احد والجوال والحاجات دي باالمكتبه وانا عندي صاله ومقلط نساء وغرفه نوم ومجلس رجال بس وزحمه تصميمهن على بعض

رتبي بيتك اول بأول والعاب بنتك جيبي لها سله المشكله فعدم التنظيييم

لازم الترتيب أول بأول

أنا عندي ممنوع تطلع لعبة من غرفة النوم

اللاب توب استخدمة خلصت اضبطة ع طول.

يعني هي لازم قوانين تمشيها ع الكل البيت

يعني زي بكلك ليه مريمة بالصاله ؟ مكانا شعرك أو بدرجك

ترى مو عشان الناس عشان انتي تقعد بمكان نظيف حبيبتي

معليش أخواتي اللي يقولون بيتك لازم يكون مرتب على طول
ولالازم يكون نظيف على طول كل وحده مناتحب النظافة والترتيب
وأحنا مسلمات نعرف أن الدين أمر بالنظافة
لكن لاتنسون أعداد الوجبات وخاصةالغداوترتيب الملابس بعد الغسيل
هذي تحوس أكبر بيت
الحل الامثل حبيبتي فصلي دولاب وحطيةيابغرفةالنوم يابالصالةويكون بمفتاح
وكمان العاب أطفالك خصصي لها سلة
والمواعين إذافاجئك ضيف في صندوق بلاستك تحت المجلى حتى يروح
المكنسةوراباب المطبخ ،المنشاروطاولةالكي خصصي لهازاوية في غرفةالنوم
الجوالات والاكسسورات خصصي لهاصندوق صغيرومرتب فوق التسريحة
يبقى عليك كنس الصالةسريع وتبديل ملابسك وملابس اطفالك
واشتري غلاية كهرباء توفرعليك وقت في تجهيزالقهوةوالشاهي
والحلاخذي جاهزأواشتري معمول جاهزمثل معمول إيلين رائع ولذيذ ويجمل
وانتي أكيدبتشكلين
الله يرزقك البيت الواسع ويمتعك فيه
الله لايجعل الدنيا أكبرهمنا

الله يعينك
اول شي اللي تتصل علي مثلا العصر اقولها حياك بعد المغرب او اجلها لليوم الثاني لاي سبب واهمها احب تكوني نفسيتي مستعده من قبل للضيوف وكمان فرضا ناقصني شي قهوه شاي ولا بيدي شغل حوسه الحمد لله ضيوفي مايجون لا باتصال من قبلها بليله واكثر
الشي الثاني عودي نفسك قبل صلاه العصر يكون كل شي مرتب ونظيف تحسبا لاي شي ولبسي بنتك اذا صغيره وماتحوس يعني بعد ماتتغدون على طول شيكي سريع حتى ماتبلشين
وكمان جيبي صندوق لالعاب بنتك
ووالات زوجك والابتوب حطيهم مرتبه فوق بعض على الكمدينه او طاوله على جنب بغرفتك مو تدخلي وترميه على السرير ولا بالارض
وشباصاتك خليهم بشعرك ههههههههه امزح
انا تعودت على شغله انو اي شي اخذه يرجع مكانه اول ما اخلص سوء بالمطبخ من ملح وزيت على طول بالدولاب بعد ماخلص منه
وبغرفتي الاستشوار ما اخليه مرمي او على التسريحه على طول بالدرج وكذالك المكياج
احسن من اني احووس بعمري بعد ما يروحون الضيوف او لما اكون طالعه وارجع
لا تقولي مايمديني على بال ماتطبخ القهوه مداك وقبل كل شي سمي بالله وتوكلي
لاتحسبيني اقول هالكلام وانا فاضيه ماعندي شغله لا والله الحمد لله عندي 5 اطفال لكن اخليهم يساعدوني بغرفتهم وترتيبها واطلع لهم ملابسهم وهم يلبسوا علي بس تمشيطهم انا الاعصار عندي لاجيت اطلع وواحد ينق فوق راسي خمس دقايق اجهزوا ولا مشيت