نور الدرب :

بتصدقي بطه أنا مريت بقصة ما بتشبه قصتك بس قريبة منها أول مرة اجت حماتي من الشام تزورنا ونحن بالكويت عايشين كان صرلي سنة ونص متزوجة والحمد لله هي ما قعدت عندي لأن بيتنا صغير وعرسان على قولتهن قعدت عند بنتها وهنيك إلها غرفة خصوصي بس مرة بالويك إند إجت تزور عنا وقبل ما تصل كنت عم جهزلها السرير بغرفة القعدة وما عندي غرفة غيرها فقلي شو عم تعملي ماما رح تنام بغرفتنا !!!! قلته: يا سلام شو ؟؟ ونحن وين بدنا ننام على هدا التخت الصغير-لأنه لشخص واحد بس- ونحن جبناه خصوصي منشانها أصلاً أكيد ما رح ترضى مستحيل هي توافق تنام بغرفتنا وقلته بتعرف خالي فلان أنه لما رحنا زرناه ببيته الجديد ورجانا كل البيت ما عدا غرفة النوم كتير عجبتني هالحركة لأن عن جد شي مقدس أصر على رأيه وأنا جنيت واتصلت بأمي ودغري انفعلت وقلتلها القصة قام ماما ببساطة قالتلي لا تخافي حماتك ما رح ترضى ومن تم ساكت لما اجت حماتي ووقت النوم سألتها شو بتحب الغطا يكون خفيف ولا تقيل؟ قام زوجي قلها ماما أنت بدك تنامي بغرفتنا ونحن بنام بهي الغرفة أنا طبعا سكتت بس كنت عم رتبلها سريرها يعني مبين علي نسيانة هالقصة المهم هي أبداً ما رضيت وحلفت أنه بتنام بالغرفة التانية بقى السفرة اللي بعدها اجت لعنا أنا لحالي عرضت عليها تنام بغرفتنا :) لأن بعرف شو جوابها شو رأيك بقى؟؟؟؟ على فكرة كأني كتير طولت بس حبيت قلك على تجربتي وعن جد حاسة فيك أنا بس مرة عمي وجنيت كيف أنت عمك ومرة عمك؟؟ يعني كتير صعبة صراحة منشان هيك عم قلك خليك حكيمة وقليلو أصلاً مستحيل يرضو ينامو بغرفتنا أنا متأكدة من هيك وغرفة النوم شي خاص ومقدس بحياة الزوجين

بتصدقي بطه أنا مريت بقصة ما بتشبه قصتك بس قريبة منها أول مرة اجت حماتي من الشام تزورنا ونحن...