السلام عليكم ورحمة الله وبركاته
بسم الله الرحمن الرحيم
اهلا بكم حوائيات وحياكم الله في غرفة نومي :) اقصد في موضوعي الخاص جدا
وخير مانبدء به كلام خير الخلق <<اذاعه مدرسيه على غفله
عن رسول الله صلى الله عليه وسلم :حدثنا عبد الله حدثني أبي ثنا عبد الصمد قال : ثنا حفص السراج قال : : ( سمعت شهراً يقول : حدثتني أسماء بنت يزيد : أنها كانت عند رسول الله صلى الله عليه و سلم و الرجال و النساء قعود عنده فقال : لعل رجلاً يقول ما يفعل بأهله ، و لعل امرأة تخبر بما فعلت مع زوجها ، فأرم القوم ، فقلت : أي و الله يا رسول الله إنهم ليقلن و إنهم ليفعلون ، قال : فلا تفعلون فإنما ذلك مثل الشيطان لقي شيطانه في طريق فغشيها و الناس ينظرون .).
احد سلفاتي احبها كثيرا وتحبني وعلاقتنا فيما بيننا اكثر من اخوات في احدى زياراتها لي جاءت متاخره وكانت اختي عندي
طلبت مني ان افتح لها غرفة نومي لتظبط مكياجها ونفسها!!!!
ابنت اختي الصغيره تحب طفلي كثيرا وفي احدى زياراتها لي مع والدتها طلبت مني ان تاخذ ابني الصغير لغرفتي لتصوره في سريره !!!!
بدلت موكيت غرفة نومي وفي اخر زيارة لاام زوجي لي قالت لي بالحرف الواحد(فلانه ماوريتينا موكيت غرفتك الجديد....!!!)
صديقتي العزيزه جدا والغاليه حين زارتني اول مره ببيتي الجديد اخذتها للطابق العلوي بعد ان فرجتها عالطابق السفلي وفرجتها بجميع الغرف الاغرفتي الخاصه وكأني لمحت بعينيها زعل وعتاب!!!!
اخت زوجي دخلت بيوم كانت لدي عزيمه كبيره وطلبت مني مفتاح غرفتي لتضع عبائتها وبعض الاغراض التي تحملها!!!!
في يوم كان زوجي منتدب لخارج الرياض عزمت اخوات زوجي عالعشاء والمبيت عندي وحين جاء وقت النوم دخلت انا وهن لغرفة ابني لننام فيها بعد ماجهزتها بالفرش ولم اسلم من التعليقات بدأ من خوفي من العين والغموض وحب الخصوصيه!!!
ومن جهه اخرى كثيرات الاتي لاتتوانى ولاتحرج من ان تسئلك عن الامور الخاصه جدا جدا بك انتي وزوجتك ومايتعلق بالامور الخاصه
وغالبا ماتكون الاسئله للعروسه الجديده والتي خاضت التجربه من قريب واخبارها فرش وطازه
بدأت بالحديث النبوي خير الكلام من اجل ان تفهمو المحتوى الذي اريد ايصاله لكم
وثم بكثير من المواقف التي مرت علينا او على من حولنا او قرأناها هنا بالمنتدى
كثيرات منكم قرأو العنوان وفضولهم جعلهم يدخلون من اجل يعرفون الممنوع داخل هذا الموضوع خصوصا لاني كاتبه خاص جدا
كلنا نعلم جميعا ان غرفة نوم الزوجية لها خصوصية غير باقي الغرف وذلك لما تحتويه من اغراض خاصة بالزوجين
وهنا انادي باعلى صوتي ليكن هناك قانون رادع يضعه الزوجان يمنعان فيه دخول اي من كان لحجرتهما.
البعض يمكن يستهجن اسلوبي او كلماتي لما قلت ’’ لكن يابنات غرفة نومي مملكتي الوحيده والتي استطيع ان اكون فيها خصوصيه لي مع زوجي بدون مايطلع عليها احد شي خاص فيني وفي زوجي طيب تعالو معي نقرأ هالجزء يمكن توصل المعلومه اوضح
دخلا غرفة نومهما ,لبسا ملابس نومهما واخذا يتجاذبان اطراف الحديث الممتع كما يفعل معظم الازواج بدأ يلمسها وبدأت تلمسه نظر اليها بشوق فبادلته النظرات بنظرة خجولة والحقتها بغمزة مثيرة ثم بدأ بخلع..................
خلاص لا استطيع ان اكمل ,سامحوني فهذه ليست لقطات من فيلم مثير والعياذ بالله ولم اكن اتلصص على الجيران ,بل رأيته من خلال الباب المكسور ,باب مفتوح لا يوجد اي حاجز او ستارة تمنعني من الرؤية ,رأيت المنظر بأم عيني ,هي لم تأبأه بأن الباب مكسور وهو لا يعلم ان الباب مكسور ....
كثيرات هن النساء اللواتي نصادفهن وابواب غرف نومهن مفتوحة ,نرى ونسمع واحيانا نرى الاثار على الاجساد .......... الباب المفتوح هو فم بعض النساء ,مفتوح على مصراعيه تفضي الى زوجها ويفضي اليها ,ثم تأتي وتنقل لنا كل ما دار بينهما ,بلا حياء ولا خجل ولا اعتبار لحرمة غرفة نومها وخصوصيتها .........
ما الذي يدفع بعض النساء لنقل اسرار فراشها للناس ؟
ما هي الرسالة التي تحاولين توصيلها للنساء في مجلس عام وفيه بنات مراهقات ؟
ما المغزى من وراء اخبار صديقتك المقربة بتفاصيل ليلتك المثيرة بألامس ؟
غرفة النوم
انا اسميها بيت الزوج الحقيقي
نعرض حالتين ونشوف من مع ومن ضد
وان شاء الله تكون نقطة تغيير لكل وحده
عندها مشاكل تخص غرفة النوم
1 - غرفة النوم خاصه فيها هي وزوجها ممنوع على العيال او
الشغاله دخولها نهائيا وتفهم العيال ان بابه لازم يرتاح فيها وينام على راحته وممنوع عليهم نهائيا يدقون حتى الباب
-غرفة النوم لكل من هب ودب الكل يدخلها العيال والشغاله
اذا كانت مفتوحه اما اذا مقفله يدقون الباب علشان مايحسون العيال ان فيه شي خاص بين امهم وابوهم ويعتبرون انه عيب يعرفون العيال
2-تلبس فيها على راحتها اللبس اللي يعجبها
تستحي تلبس لبس حلو حق زوجها العيال مسموح لهم يدخلونها وتستحي يشوفونها ويشكون ليه لابسه كذا
{ 3-زوجها مرتاح فيها ينام ويمارس حقه الشرعي في اي وقت والمده اللي تريحه
بحكم عمل اغلب الرجال يحب ياخذ ساعتين نوم بالنهار العيال داخلين طالعين وصياحهم معبي البيت وحقه الشرعي
لازم باليل بعد ماينامون العيال
واذا خلوا الباب مفتوح يخافون يصحى واحد من العيال ويشوف شي وان قفلوه يبقون قلقانين لاحد يدق وينهون شغلتهم بسرعه
وفي اكثر المرات يفتحون الباب والعيال متسدحين عند الباب
طبعا بعد ما دقوا وصحوا حتى الجيران
4- تحضر له القهوه والحلى او الفواكه في الغرفه يحلي ويتقهوى على راحته في نفس الوقت حاطه لعيالها حلى
تحط القهوه والحلى مع العيال ماشاء الله ياكلون الحلى كله
ويمكن يتقهوون بعد واحيانا ياخذ الزوج اللي هو الاب قطعه صغيره على شان يخلي الباقي لهم
5- تسولف وياه وياخذون راحتهم بالكلام سواء عن امورهم الخاصه او سوالف عاديه
مافيه كلام حلو بينهم بحكم وجود العيال في كل مكان
مستحين قدام عيالهم ويسولف معها كانه يسولف لاخته
6-في حال كان عندهم طفل صغير وينام معهم وبكى باليل تاخذه
وتطلع برى الغرفه على شان يرتاح زوجها في نومه
يصيح وتحاول تسكته في الغرفه لكن تعرفون الصغار احيانا يكون تعبان ومايسكت لحد ما يعصب ابوه وتعرفون الرجال
لما احد يزعجه في النوم يقول كلام يزعل وترد عليه لانها معصبه من الصغير وتتصير مشكله ويطلع من غرفة النوم
وهي عاجبها انه طلع
من ما سبق
الاولى اللي مع خصوصية غرفة النوم
يجد زوجها في بيته كل حقوقه ينام مرتاح
يخفف ملابسه يمارس حقه الشرعي مرتاح
يتناول فيها اطايب الاكل ويسولف مع زوجته
با احلى كلام
زوجته مرتاحه معه تتمتع بما يتمتع
عياله منضبطين ويعرفون ان لهم حدودمايتعدونها ياثر هذا على جميع تصرفاتهم مع الكبار
تجدهم يعتذرون عن مشاركت الكبار القهوه والحلى واشياء كثيره تنضبط فيهم
ولان امهم تصافح ابوهم وتجلس بجانبه يرون المحبه بين اهلهم ويعيشون جوها ويعرفون ان الحياه انس وتبادل محبه
الثانيه ضد خصوصية غرفة النوم
زوجها مبهذل لا يرتاح في نومه ومتعود اخر الليل
ياخذ مخدته ولحافه وعلى غرفه ثانيه بسبب بكاء
الصغير اللي ينام معهم
مصاب بالبرود العاطفي في كل اموره حقه الشرعي يمارسه بسرعه ويحسب الوقت اللي يجي وتفضى له زوجته ولا كلمه رومنسيه تطلع من فمه الاكل الطيب يتذوقه بس العيال يلهفون
كل شي ماشاء الله واثبتت الدراسات ان الصغار
حتى بعد مايشبعون من الاكل اللي يعجبهم همهم لازم يخلصونه وش حال لما يكون حلى
زوجته حياتها لعيالها وبيتها مافي شي اسمه زوج
في حياتها ولا تعرف المتعه معه لا حق شرعي ولا كلام رومنسي
عياله غير منضبطين كثير من المرات شافوا امهم وابوهم في وضع الجماع وسبب لهم صدمه عاطفيه تورث في الذكور ان علاقة الرجل بالمراه جنس فقط مقتدين بوالدهم اللي امهم كانت السبب في تغيير شخصية ابوهم وبالتالي هي السبب في تكوين هذي الشخصيه عند اولادها
ما يعرفون ان الحياه فيها حدود مش المفروض يتخطونها تلقاهم ملاقيف وكل شي يجربون يسوونه ماترتاح في جمعه هذا العيال فيها موجودين علاقتهم بالكبار مفتوحه على الاخر
ولان امهم تستحي تسلم على ابوهم اوتقرب منه
مايعرفون ان فيه محبه في الحياه لانهم يعيشون جو جافه علاقة الام والاب مافي تبادل للمحبه بينهم وينعكس على تصرفاتهم مع الاخرين
في النهايه احب اعرف ارئكم
في هذا الموضوع
من مع خصوصية غرف النوم
ومن ضد خصوصية غرفة النوم وش حجتها ووش
البديل عندها لقوانين غرفة النوم اللي ترفضها
واذا ماعجبها شي من الصفات اللي وصفت فيها
زوجها او نفسها اوعيالها تقول ليه
انا مع خصوصية غرفة النوم لاني ارى
اني اقدر ارتاح في اي مكان في بيتي
لكن زوجي بيته غرفة النوم
__________________
هل تستطيعي النوم مع زوجك وباب غرفتك مفتوح ,حتى امام طفلك ذو السنتين او ثلاثة او اربعة .اذا كان جوابك لا مستحيل ,اذن ماذا تفسري نقلك لاسرارك الزوجية...........
فيا ايتها الاخوات اتقوا الله بأنفسكم ,,,,,,,ضعي مخافة الله نصب عينيك في كل كلمة تقوليها ,فلربما ما كنتي تقولينه الان
في لحظة نشوة وفخر يكون سببا دمار حياتك واصابتك وزوجك بعين لا ترحم اوسبب في انفصالكما اذا علم زوجك بما
تصنعي ,,,,,,,ووالله انني اعذره لو فعلها لانك جعلتي اسرارك الزوجية دفتر مفتوح وحديث الساعة بمحالس النساء
.........وقبل ان تفرحي بتعليقات النساء الخبيثة وتعتقدي انك الوحيدة بالعالم التي تقدر على فعل هذا الشئ او ذاك اقول
لك كلنا نفعل وكلنا نسعد مع ازواجنا وربما نفعل مالا تفعلينه ,لكن الفرق بيننا وبينك ان بابنا غير مكسور ............
وهذا لايعني المرأه فقط بل حتى الرجل
أختكم المحبة فناتيل
موضوعك في غاية الروووووعه