السلام عليكم حبيباتي
انا الله يسلمكم عندي ولد عمره سنه ونص الله يصلحه ونا ويه اسوي له غرفه هاليومين فابي الفزعه ,ابي افكار وارآء
وش عندكم افكار لغرف الاطفال؟
اولا بالنسبه للاثاث,وش رايكم بمحل تاريم الي بطريق الملك فهد؟وهل فيه محلات ثانيه متخصصه باثاث الاطفال؟
ثانيا الارضيه حقت الغرفه ابحطها مشمع ,اش رايكم ؟ما ابي سيراميك .هل تعرفون محلات تبيع مشمع حلو ,قصدي النوع السميك الزين مو القديم .
ثالثا جدران الغرفه ابلبسها ورق حائط ,هل يناسب الاطفال ؟قصدي هل هو عملي ويتحمل الاطفال وتوصيخهم؟ووين القى محلات مناسبه تبيعه؟
معليش انا كثرت الاسئله حول المحلات لاني ساكنه الرياض جديد وما اعرف محلاتها زين .وزوجي من النوع الي ما يحب اللف والدوران كثير عالمحلات فما ابي اتعبه.
يالله يا بنات تراي ضيفه عندكم واول مره اجيكم لاتفشلوني !!!
كاجو @kago
محررة برونزية
يلزم عليك تسجيل الدخول أولًا لكتابة تعليق.
كاجو
•
اسبكتي
الف الف شكر لك اختي على تعاونك
وفكرة الصبغ عجبتني مره والله حلوة صدق
بس بالنسبه للارضيه احس السيراميك مايصلح للاطفال خطر يزلقون او يتعورون لو طاحو اسم الله عليهم
اتوقع المشمع آمن وادفى لهم ولرجولهم لمشو عليه
ومشكوره مره ثانيه يالغاليه
الف الف شكر لك اختي على تعاونك
وفكرة الصبغ عجبتني مره والله حلوة صدق
بس بالنسبه للارضيه احس السيراميك مايصلح للاطفال خطر يزلقون او يتعورون لو طاحو اسم الله عليهم
اتوقع المشمع آمن وادفى لهم ولرجولهم لمشو عليه
ومشكوره مره ثانيه يالغاليه
الصفحة الأخيرة
بالنسبه لغرف الاطفال انا مسويه غرف عيالي في تناتل طريق الامير عبدالله فخم وحلو ويدوم
ثانيا الارضيه ما انصحك بالمشمع لانه مهما سويتي مو انضف من السيراميك
بالنسبه للجدران ورق الجدران مو عملي يعني لو يلمسه ويدينه مو نضيفه او كتب بالقلم بصعووووبه تنظفينه
شوفي حطي الجدار لونين اقسميه فوق وتحت حطي تحت لون غامق زيتي يمسح بسهوله وفوق فاتح بعدين اشتري من حقين ورق الجدران زيق اللي يحط بالوسط ولصقيه بالوسط بيطلع مرتب كانه ورق جدران
انشاء الله اكون افدتك ولو بشوي