غرفتي حوسة

ما شاء الله عليج فنانه:)

شوفي اختي...فضي عمرج في يوم اجازة من الصبح, واذا عندج حد يساعدج(اختج أو الشغاله)بيكون وايد أحسن.

طلعي كل الملفات والكتب والأوراق من المكتب, خليه صفر...وحطيهم عالأرض أو عالسرير.

نظفي المكتب كامل من الغبار والحبر.

سوي جرد لكل الكتب والأوراق والملازم اللي عندج واللي ما تبينه حطيه في كيس أو كرتون ووديه لأقرب حاوية اعادة تدوير....تكون عندال أبواب المساجد.

لا تخلين عندج أوراق منثرة...رتبي الأوراق حسب موادهن وحطيهن في ملفات منفصله وعليهن ستكرات باسماء المواد والمواضيع.

صفي الكتب حسب أحجامهن في رفوف المكتب..ومب كل الكتب,اللي تحتاجينه هالكورس واللي ما تحتاجينه حطيه في صندوق ملون يفتح الناس ولصقي عليه ستكر أو ورقه صفرا فيها أسماء الكتب الموجودة وارفعيه فوق كبت الثياب أو في مستودع بيتكم وخبري أمج عنه.

نفس الشي بالنسبة للملازم والملفات,واللي تحتاجينه رتبيه في المكتب.

جمعي كل القلامة اللي عندج, عقي اللي مخلص حبره, وحطيهم في كاس مال القلامة...(أشكال وألوان في المكتبات وايكيا).

وحطي عندال الكاس مال القلامة سلة صغيرة أو بوكس ملون للدباسه والخرامة وورق الملاحظات.

خصصي مكان صغير على سطح المكتب لكوب القهوة مع القاعده ماله.

حطي عالجنب شمعه أو برواز فيه منظر حلو أو بيت شعر حلو أو ورد مجفف على ذوقج عشان يفتح نفسج للمذاكرة.

حطيت ملاحظات عامه لاني ما عرف حجم المكتب وكمية الكتب والأوراق...ان شاء الله تكونين استفدتي

:26: :26: :26:

و الله ما شاء الله عليها أختنا طوق البنفسج ما قصرت ... بس أنا بتكلم عن المكتبة ..
أنت طالبة جامعية و أكيد عندك كتب و ملازم ، بالنسبة للكتب هذي ما ترمى أبد لأن المعلومات اللي فيها حسافة تنرمي ..أما الملازم فغالبا ما يكون الدكاترة مجمعينها من كتب فبالنسبة لي أرمي كل الملازم من يوم ما يخلص الفصل الدراسي ، بس أنا هاوية جمع كتب إذا أنت مثلي قطي الملازم مع الأوراق و الجرايد المستعملة و خلي عندك الأصل و هي الكتب ..وحطيها بالرفوف اللي فوق في مكتبتك ، و كل مارحتي و جيتي استنشقي حبّها ، و تراها تدفعك إلى المزيد من التفوق و كسب المعرفة إذا شفتيها مرتبة ..
نجي للأوراق ..أسألي نفسك : هل هي مهمّة أو لا ..
إذا كانت غير مهمة فعلى طول لكيس الأوراق المستعملة ، و إذا هي مهمة ، حاولي تقسمينها ، روحي للمكتبة و جيبي لك ملفات سواء بلاستيكية أو ورقية ، و ضعي عليها استكرات ، و اكتبي عليها ، مثلاً عندك أوراق خاصة ..خواطر ..شئ كتبتبه بيدك ، حطيه بملف سمّيه إسم مرهف بنوتي مثل : "خواطر ومشاعر "..أو " أنا والبوح" ...أو " خربشات ما قبل النوم "..وزي كذا من حركات البنات ..أي شئ تحبينه حطيه بها الملف ..
بعد كذا الأوراق الدعوية أو المطويات الإسلامية و الأذكار حطيها بملف خاص وحاولي تستفيدين منه ، و إذا كنت ما راح تستفيدين فعطيه أخواتك أو صاحباتك من بنات خالاتك يستفيدون منه ، و ما تتخيلين كيف الأجر اللي راح يوصل لك و أنت ما تدرين ..
و على هذا المنوال ...رتبي كل أوراقك و أغراضك و صفيهم في الدرج اللي على اليمين و اعتقد ما لك غيره ، أما الدالوب الطويل فحطي فيه الحقائب و الأكياس الموجودة عندك ... أما سطح المكتب ..حطي فيه مقلمة طوليه ضعي فيه الأقلام و كل أدوات الكتابة ..
وعلى جنب منظر أو أباجورة مكتب ...
و تراها سهلة و مممممتتتتتعععة ...
دعواتك ...:)

الأم نورة
طوق البنفسج
مشكورييين على النصايح
والله يجزاكم خير

للرفع