غرفتي 4×5 ..أقتراحاتكم

عليك بالعافية وان شاء الله تكون قصر شوفي اختي الالوان انا يعجبني الالوان الفاتحة يعني مثلا موف وليموني او وردي وتفاحي اصبغي جدارين لونوجدارين لون والاضاءة صفراء وحطي دعاسات على شكل ورد وحطي لوح بسيطة ورفوف والغرفة اصبغيها بنفس الالوان وبالتوفيق

دامكم 2 بغرفه وحده انصح تسون السرير بالطريقه زي اللي بالصوره علشان توفرون مساحه ممكن زي الصوره
وممكن تخلون الكمودينا بزاويه ويمين ويسارها السريرين << ان شاء الله فهمتي قصدي

uaewomen-a3d32e4881"]uaewomen-a3d32e4881


والارضيه خليها سراميك انظف لك من الموكيت انا توني شايله الموكيت لو كبدي ما ينظف خصوصا احنا بنات وعلى طول بغرفنا يعني انواع الاكل والشرب واذا عندك خوات مثلي يجون عندك الغرفه ويقلبونها زباله وانتي بكرامه انصح بالسراميك ولا الباركيه << بس خذي نوع جيد مو الي يطلع صوت زنه وانتي تمشين
وغير اني لما شلت الموكيت لقيت مفاجئات تحتها نمل ميت على تراب وش كثره تقولين هفموووون هذا ومكنستنا ريمبو
مالت عليها من مكنسه بس دعايه

الاهم اماكن التخزين زي الي بالصوره شوفي المخده منين طالعه فيه صور كثير بالمنتدى من هلالنوعيه
ولا كلمي الخزائن المبتكره اذا كانت مزانيتك حلوه شويتين

والسرير ممكن حديد ذا لقيتي حديد مشغول << انا ادور واحد جهاز واذا ماحصلت بفصله
ولا خشب طبعا بس الاهم تحطينه بمحاذات الجدار زي اللي بلصوره علشان المساحه ولا ممكن تجيبين السريرين

اللي داخلين ببعض يعني اللي تسحبينه من تحت ويطلع سرير هذا شفته بي ايكيا ولا جيب الصوفا اللي تتحول سرير

يعني كنبه وسرير في واحد وبس

شكلك بتخلصين غرفتك وانا لسى ماخلصت غرفتي

والف مبروك.......اول شي راح اختصر لك بخطوات رئيسيه علشان ما تتوهي .....بدايه بالارض واريح شي هو السيراميك وخليه سكري اوبيج بدرجه فاتحه جدا لانها راح تكون حياديه ويسهل عليك انك تدخلين اي لون معها ................بعدها البويه او الصبغ طبعا فكري مية مره في الون الي انتي واختك يريحكم او يكون اكثر من لون وماعليك من الالوان الي تكون موضه لانها راح بعد فتره تتغير وانتو راح تشوفو غرفتكم قدمت وقبل كذه اعملي بحث في مواضيع العضوات عن غرف نوم وشوفي كل الافكار والالوان وبعدها اختاري الي يناسب ذوقكم مو اقتراحات الغير...وقبل ماتنصبغ الغرفه لازم تكوني ماخذه فكره عن الاثاث يعني لونه وحجمه ...وعلشان ما تضيق الغرفه لاتاخذون الاسرة حجم كبير خليها اقل من المتر وخذي بالك ان الون الغامق سهل التوسيخ ويبان عليه الغبار على طول واي ضربه تجيه على طول يبان وينحفر ويطلع لون الخشب الفاتح من جوه.....طبعا انتي ودرجه المحافضه والنظافه للغرفه اعرفي ايش اريحلك....لان من حسنات الون الفاتح مريح في التنظيف وكمان اذا انتو تحبون الالوان الفرايحي و الفاتحه راح ماتتعبوا في التاثيث من لحف وسجاد...كمان عندي لك ااقتراح بس ماعليك منه اذا مايناسبك................. وهو شي انا عملته وهو اذا انتي تحبين التغييركل فتره خلي السيراميك والبويه والخشب تبع الغرفه لون واحدوهو السكري وبعد كذه راح يكون عندك حريه كبيره انك تختاري الحاف مع الستاره والسجاد الصغير الي في الارض والتحف والابجورات بلون واحد اوتطقيمه وحده..انتي لون واختك مثلا لون... ويتكون الستاره موديل ساده من النوع الي احزمه ويدخل العمود فيها تقدرين بنفسك تبدليها لما تبدلي اللحاف......واهم شي كل ماكان الاثاث ناعم وقليل يبرز جمال كل قطعه..........انا نسيت التكييف والجبس....... اذا تقدرين خليه سبليت افضل ويكون عالي قرب السقف علشان تستفيدين من كامل الجدار.... والجبس كل ماكان ابسط كان احلى لان الغرفه ما تتحمل اثاث شخصين على الارض وشغل زحمه في السقف............... اتمنى اني افدتك

زوجة المثالي

الله يجازيك الجنة...صح أنا حاطه في بالي الالوان الفاتحه


نجدية بالشرقيه

الله يسعدك..فكرتك حلوة وجاري التفكير


mmhmmm

الله يبارك فيك..على الخطوات ..حلوة فكرة الارضيه والبويه بدرجة وحده..نبهتيني مشكوره

مقترحاتكم الحلوة يابنات لاتحرمونــــــــــــــــــــــــــــي

واذا فيه مواضيع زي موضوعي ياليت تحطون روابطها لي ..الله يرزقكم من حيث لاتحتسبون..