بصراحة أكثر شيء تعجبت منه في كلامك مو زوجك تعجبت من أسلوبك مع أختك دخلتِ غرفتها ونظفتيها بدون رضاها ثم حكمتِ عليها إنها فيها جن لأنها مهملة وما تصلي وبعدها واجهتيها بطريقة تجرح حتى لو كانت غلطانة هذا مو أسلوب يصلح المشكلة ي عزيزتي
أما زوجك من كلامك ما أشوف إنه بخيل مثل ما وصفتيه الرجال يصرف على البيت وجاب أغراض للمطبخ وأرسل مصروف ولما الأولاد طلبوا فلوس قال لهم يسلمون عليه ويسألون عنه صح ممكن يكون أسلوبه غلط أو قاسي لكن فرق بين واحد مقصر في بعض الأمور وبين واحد بخيل
معليش ام الوليد ماراح اطبطب عليك
أحس داخلك عندك غضب متراكم وصرتِ تشوفين كل تصرف من اللي حولك من أسوأ زاوية أختك صارت حسودة وزوجك بخيل وكل أحد ضدك
يمكن المشكلة مو في الجميع يمكن في طريقة تعاملك وردود فعلك صراحة راجعي نفسسك
بعدين تعالي
قبل تفكرين بالانفصال اسألي نفسك هل فعلًا خلصت كل حلول الإصلاح؟
لأن الحياة بعد الانفصال مو سهله ابد خاصة إذا كان المكان اللي بترجعين له مليان مشاكل مثل اللي وصفتيه لا تهدمين بيتك بسبب ضغوط مؤقتة وراح تنحل وإذا فيه مجال للحوار وإصلاح العلاقة بينك وبين زوجك فهو اهم من اتخاذ قرار كبير زي الطلاق وقت الزعل انتبهي
الصفحة الأخيرة
فيه شيء اسمه تفاهم احد فيكم يكبر عقله انتم اهل مو اعداء يالطيف الجن ماله دخل في مشاكلكم صدقيني
الحياة المستقرة مع زوجك مستحيلة بس كيف تبغين تعيشين في بيت اهلك وانتم هذا وضعكم مع بعض؟
يا اختي كبري عقلك ووسعي صدرك مع اخواتك توددي لهم وعامليهم بالحسنى وصدقيني بيبادلونك لما يشوفون تغيير سوي كل شيء تقدرين عليه عشان استقرارك النفسي واستقرار اولادك