بنات بنتي عمرها اربعه سنين وشهرين المهم طول عمرها تنام في سرير ابو حواجز في غرفتي
ودحين صار عندها اخ وبينام في سرير المواليد بس كمان هو خلاص يحتاج سرير اكبر
فقررت اسوي غرفه لبنتي وسريرها ينام في اخوها
هي سريرها الحالي اللي حيسير لاخوها بني غامق بحواجز ومعاها عدد 2 شوفنيره وحده كبيره من ايكيا ووحده تبع الغرفه
المهم لقيتلها غرفه مررررررررررررررره عجبتني عباره عن سرير و دولاب ب 3 ابواب عليه صور برنسيسز ( الاميرات حقت الشخصيات الكرتونيه وهدا حلمها ) ووشوفونيره و وحده كمودينه وعليها مرايه على اساس تحل محل التسريحه ومكتب.
وهدي الصوره
شوفوا المرايه اللي لاصقه فوق الكمودينه هدي بدال التسريحه
و الغرفه التانيه حلوه برضه بس احسها حقت كبار
وهدي صورتها
دحين ممكن اخد بالقطعه اللي ابغاه فايش رايكم قلت حاخد الغرفه الاولى بدون المكتب
بس السرير والدولاب والشوفونيره واشتري التسريحه حقت الغرفه التانيه لانه الرجال قلي الورد اللي على الغرفه التانيه انتي تلصقيه بنفسك فممكن اشتريها وماالصقه بس اللي يختلف مسكات الادراج الاولى قلوب والتانيه كوره مدوره وعليها ورود ....... انتوا ايش رايكم عشان ابغى ارتب الغرفه قبل لاتخلص اجازتي وارجع الدوام
والسؤال التاني دحين بحطها هي واخوها في غرقه كيف اضرب البويه ؟؟؟ انا فكرت جدارين بمبا فاااااااااااااااااااتح وجدارين ازرق فاتح ايش رايكم ولا جدارين بمبا فاتح وجدارين اخضر فااااااااااااااااااااتح عشبي؟؟؟؟؟؟؟؟؟؟؟؟؟؟؟؟
ســــــــــــــــــــــــــــــــــــــــــــاعدونـــــــــــــــــــي جزاكم الله الف خير