راح أتكلم اليوم عن ركن مهم في البيت وهو غرفة الغسي
قبل تصميم غرفة الغسيل فيه مجموعة نقاط لازم ناخذها بعين الاعتبار:
1- الهدف من الغرفة:
عشان نحدد مساحتها بشكل مناسب
هل راح تكون غسيل بس؟
فيه نشافة كهربائية والا لا؟
هل الكوي راح يكون بنفس الغرفة هاذي؟
اذا كانت الغرفة غسيل و كوي من الأفضل تكون الغرفة واسعة عشان يكون فيه مكان للخزائن والرفوف..
2- التهوية:
فتحة التهوية ضرورية عشان الرطوبة سواء من الغسيل او التنشيف الكهربائي..
ولو ماكان فيه نشافة من الأفضل انه الشمس والهوا تدخلها عشان تنشف بشكل طبيعي..
واذا كانت الغرفه مصصمة بركن خاص للكوي اتوقع لازم مكيف خصوصاً جو بلدنا الجميل بالصيف
3- التخزين:
اهم نقطة لانها بتوفر لك مساحة كبيرة خصوصاً اذا كانت مساحة المكان صغيرة.. فـ بشوي من التخطيط السليم للتخزين يطلع لنا غرفة غسيل مرتبة و منظمة حتى لو كانت مساحتها صغيرة جداً .
4- الأرضيه والجدران:
السيراميك هو الأنسب طبعاً لمكان زي كذا..
ومن رايي انه السيراميك المطفي انسب شي بمكان زي كذا عشان مانزلق لاقدر الله ..
5- حوض للغسيل:
من تجربه انا اشوف انه مرررة مهم خصوصاً لو حابة تغسلين قطعة قبل ماتحطينها بالغسالة او اذا فيه ملابس حابة بس تغسلينها باليد او اذا حتى تبين تغسلين أرضية الغرفة..
رجعه ثانيه مع اهم مستلزمات غرفة الغسيل
الصابون
حلو للعوايل اللي تجيب كميات صابون كبيرة وتفضيها بالبوكس هذا أحس بيكون ارتب واحلى شكل ..
- صناديق الملابس:
تكون على اشكال كثيرة حسب رغبتك او حسب عدد افراد العائلة
هذا مقسم 3 اقسام وبعجلات حلو للتنقل بشكل اسهل.. فكرة انه 3 اقسام عجبتني خصوصاً لعائلة من ام واب وبنتهم او ولدهم خخخخ
هذا نفس فكرة اللي فوق بس من الخوص
هاذي من الخوص احسها أنيقة وتنفع بزاوية الغرفة ..
هاذي حلوة لما تخلصين كوي وتسفطين الثياب تحطينها فيها وتدورين بالبيت توزعين الملابس
حلو لتعليق الملابس و الغطا كويس عشان يحميها عن الغبار
هاذي العلاقة حلوة عشان ترتيب المكانس و المنظفات بدل ماتنركن على الجدار
وهاذي بعد عشان الكواية ومستلزماتها
هاذي فكرتها مرة حلوة تكون مخفية وتطلعينها وقت الحاجة
راجعه ثانيه إن شاء الله