غرق الأطفال

انا أم جدا حريصه على أطفالي
ابتعد عن الإمكان الي فيها احواض
مره رحت الفندق شفت داخل الفيلا مسبح
حلفت يمين اني ما انام هنا ليله و فعلا طلعت منها
و رتاح قلبي ..
خفت على أطفالي يطبون فيه فجاه وانا على غفله ..


بس سبحان الله مره انعزمت مع ناس
ولبست ولدي الي عمره 4 سنوات و كشخته وشلته معاي و كان قاعد حوالي و بعدين جابوا السفره ولدي اكل شوي وراح يلعب مع العيال ...


انا قلت أخليه يلعب يستأنس كنت مطمنه هو يلعب بالحوش ...


فجاه يجون الأطفال يركضون يقولون طاح بالماي دون ما يقولون منو هو انا قمت اصارخ أقولهم ولدي الي طاح انا اعرف ... الان ولدي الله يهديه فضولي ويحب يلعب بالماي الي عندي يقولون ما في هنا حوض ...


راعيه العزيمه ركضت خلف البيت و شافت ولدي حبيبي ...
قسم بالله اكتب لكم بكيت لما اتذكر كيف كان ولدي ...


شافت ولدي طايح في حوض السباحه الي يجي ع شكل نفيخ بس عميق ..
ولدي كان يناقز و مطلع يده وينقز يحاول يا عمري عليه يطلع ...
شفتها من بعيد طلعته و جلس بالأرض ولدي ما قدر يمشي وانا عقلي دار طار ..


ركضوا بالمنشفه له وجابوه لعندي وانا رجولي متشلله
حضنته وحضني ولدي حبيبي قالت له تبغا تموت وتخليني والله مالي حياه من بعدك و الحريم قالوا


احمدي الله ان سالم ..
الحمدلله الحمدلله ان الله سلم ولدي
ما كنت ادري ان عندهم حوض ..
رحت للحوض مره ثانيه عشان اجيب نعاله طايحه في الحوض كل وحده صوب صرت ابكي مره ثانيه من المنظر واحمد ربي ان الله سلمه لي ...


الله يحفظ اطفالنا يا رب ..


ولدي قالي ماما الماي عور حلقي منا 😭😭