غريبة ..حرقت ورقة في بيتي !؟

السلام عليكم
ي بنات ذي زوجة عمي بينا وبينها مشاكل وصارت مشاكل كبيرة وصلت للقطاعة وكبرت بشكل مبالغ فيه المهم هي اصرت تزورنا انا وخواتي وامي رغم امي قالت ماودي اشوفها لانها تعرضت لظلم كبير منها وامي كان دايم توقف معها بس للاسف تنكرت لكل شي وطردت امي من زواج بنتها بسبب مشاكل مع الرجال امي مالها يد فيها وكان تعتبرها اخت المهم مو ذا موضوعنا بس عشان اوضحلكم الصورة انه هي ابدا ماتطيقناا ومن النوع اللي تحب ترمي كلام تتمسخر فيه المهم بعد قطاعة فترة أصرت الا تزورنا وتزور اخواتي رغم كرهها لزوج وحدة من خواتي ودايم يتبلونه بكلام ماهو فيه المهم جات عندي وكنا نسولف وانا قمت رحت للمطبخ ورجعت الا ألاقيها مطلعة ولاعة وتحرق ورقة مطلعتها من شنطتها ولما شافتني طفت الورقة ودخلتها الشنطة انا انصدمت و قلت تدخني !؟ قالت لا اعوذ بالله ولما شفت لقيتها ورقة سكتت ماقلت شي ونسيت الموضوع بعد فترة تعبت مررة وخواتي تعبو وامي وابوي انقلب حالنا ي بناااات مرة حنا عايلتنا كانت تقريبا عائلة مثالية والله اننا مانعرف شي اسمه مشاكل امي وابوي متفاهمين جدا وانا وخواتي واخواني قلوبنا ع بعض والكل متفوق فالبيت وابوي رجال له هيبة بين جماعتنا والكل يستشيره وضعنا المادي تمام التمام الحمدالله بس فجاءة انقلب حالنا انا اول وحدة تعبت ورجعو خواتي وحدة وحدة وازواجهم مرضو غير اوضاعنا المادية كلنا تغيرت سواء ابوي الرجال القوي جته زي الحالة النفسية صار يكلم نفسه ويبكي اصعب شي انه ابوك اللي له هيبة وطول عمره بالمساجد وبين الكتب لانه انسان مثقف جدا فجاءة يطيح هالطيحة اخوي اللي يودي ويجيب صار ممنوع من السيارة جاه صرع شحنات كهربائية اخواتي كل وحدة والثانية مشاكل توصلل للطلاق رغم ان ازواجهم كانو عسللل وفي وحدة اختي الكبيرة اسنين مع زوجها ونعتبره ولدنا من طيبته فجاءة صار نااااار عصبي وتعب جته امراض وزوجته بس تنزف وتعب فالارحام والنتايج سليمة واختي كل ماجاها خاطب راح وامي جاها تعب نفسي والله انه الكل كان يضرب بحياتنا المثل من الراحة اللي كنا فيها بس انقلب حالنا فوق تحت وكم مرة نحلم احلام دايم يحذرونا من وحدة متسلطة علينا بسحر المهم استغفرالله بعد هالمدة جت زوجة عمي وحركتها ببالي وبالذات انها صايرة تتلصق بامي فالمناسبات وماعاد تفكها وانا والله اخاف اظلمها بس فعلا استغربت حركتها وخايفة من ظني السيء فيها بس لاني اعرف ان فيها شوية خبث نيتها ماهي طيبة وانا احاول اني انسى حركتها بس لما يشتد البلاء بين اهلي اتذكرها غصب
واحيان اخاف ظلمتها بظني وربي يعاقبني بس نفسي اعرف ليه سوت كذا ؟!