غريبة لكن مفيدة

شكراً لك شكل الخلطة حلوه

الله يعافيك

صحيح يا اختي المغربيه الحرمل جدتي تمدح فيه وايد للشعر
وسالفة القنفذ اعتقد انها ماره عليه بس ما اذكر الطريقه
وانتي امجربتنها او حد من معارفج ؟؟؟؟

حياك الله اختي المغربيه وبياك
لايمكن عزيزتي انا نستهزئ فيك مهما اختلفت الجنسيه واللغه
نبقى اخوه في الاسلام يجمعنا دين واحد ودم عربي يجري في عروقنا
... وبخصوص الخلطه اللي ذكرتيها صحيح انه مكوناتها غريبه شوي ..
لاكن منكم نستفيد خصوصا انه اهل المغرب مشهورين بخلطات الشعر
والبشره وجمال المرأه عموما .....
سؤالي ....... ماهي فوائد هذه الخلطه .... وشئ ثاني اذا عندك وصفات لتطويل الشعر وللنعومه
وللبشره وتكون مجربه ارجوا ان لاتبخلي علينا بها
ومشكوره حبيبتي على الوصفه
وتمنياتي لك بالتوفيق

السلام عليكم
اختي نبع الوفا شكرا على التشجيع
السلم>>احنا دايما نلف ونلف وندور وفي الاخير نرجع لخلطات جداتنا اما الوصفة فهي لتكثيف وتطويل الشعروانا جربتها بنفسي و اختي استعملتها حق زوجها لانه كان يعاني من المرض اللي قلت لكم عنه والحمد لله هو الحين شعره مسبسب ولا كانه عانى منه وانا جاتني فترة طاح فيها شعري وصار هزيل من فعل بعض الادوية كنت اخذها بس عقب استعمالي للخلطة رجعت فيه الروح والطريقة انك تشبعين فروة الشعر بيه وتخليه اطول مدة ممكنة وممكن بعدها تسوين حمام مغربي ونعيما
اختي الهدبا كلامش اثر فيني وايد والحمد لله على نعمة الاسلام وفوائد الخلطة انا وضحتها اما الخلطات اللي عندي فانا اشوف وايد منهم في المنتدى ما شاء الله ولا داعي لتكرار نفس الشيء. في خلطات ثانية بس ما اعرف شنو تسمون المواد اللي فيها هني بالخليج بسأل صديقاتي هني في البحرين واقول لكم وشكرا مرة ثانية
ادعوا لي الله يسهل علي الولادة وعلى كل حوامل المسلمين

اختكم مغربية

الله ايسهل عليج ويقومج بالسلامه انشاء الله اختي المغربيه