غريبه والله ...

هلا يا اختي
باقوللك هذا يعتمد على التقاليد اللي نعيش فيها في عوايل عندهم عادي اهم شي الدين والخلق
وفي عوائل الدين والخلق والنسب وبعضهم حتى لو من نفس البلد لكن مو من عائلة متعارف عليه وقمة بالاخلاق بعد ما يزوجونه
يعني مثلا الوالد الله يحفظه اذا ما جائه حق بناته من قبيلة متعارف عليها اننا ناسبهم مو مهم الجاه يرفض حتى لو البنت صارت عانس بس عندهم هالشي مستحيل يصير لانه عيب وخروج عن التقاليد
واحنا خلاص تعودنا على هالشي وصرنا نعود الشباب عليه
شنسوي هذي الحياة اللي عايشينها
والحمدلله على كل حال
وكل بلد وله وضع وكل عائلة لها حالة خاصة

صراحه انا مثلك قريت الموضع واستغربت من ردودهم وما رضيت اكتب تعليق خفت يفهموني غلط والي استغربته رد اخوي وقف شوي اللي يقول عطوه كم كف ليه مو كذا تنحل الامور بعدين هو جاي خاطب يعني ممكن يرفضوه ويادبو بنتهم لانه لو ما عطته وجه ما كان كلمها
وفي شئ ثاني ليه البنت ما تتزوج اجنبي والولد عادي ياخذ اللي يبيها وما احد عطاه كف ولا طرده وما اقول غير عجبي؟

ام حبيبي ، suzan 2001

تسلمون خواتي على مروركم هاذي مشكلتنا اختي ام حبيبة انقول عدد العوانس ارتفع ليش وهذا مب عدل واللي يسوي منشورات واللي يسوي بحث عن هالشيء والعيب من اللي هم فينا يعني اللحين حلال على الريال يعرس على وحده اجنبية اللحين اختي استوه يتزوجون مب مسلمات بعد يعني انكون في الصوره ، بس ما انقول غير الله يهدي اهالينا والله شوذنب البنت اتعنس مب حرام ترى هاذا كله الاهل يتحاسبون عليه ، والله اختي suzan 2001
انا نفسج استغربت بس يالله يا كريم تفرج هم كل عانس ويهدي اهلها يارب لانه مب معقول ولا وحده من البنات اللي عايشين ما ياها ولا واحد بس طبعا معظم البنات ما يعرفون ، وانشوف باقي الردود ياريت يشاركون بأشايء تقنع بقية البنات ,,, والسموحه

اختي يقولون الولد عادي ياخذ اجنبية لانه عياله بيتسمون على اسمه مو على اسمها ام البنت راح ينكتبون باسم زوجها الاجنبي )))))))))))) والله احس تفكيري صار مثلهم
بس صح المفروض يرفضونه بأدب لانه هو جاهم من الباب وما يبي شي غلط يبي يتزوج يا نعم او لا
ولا كف ولا بكس ولا غيره

الصراحه انا من اشد المعارضين للزواج باجنبي اي كان ومن اي دولة كانت يعني اذا كان ملتزم وعلى خلق ودين واخذ بنت الناس وغربها معاه اهي ما تدري شتلاقي اهناك بالغربه من اهله او حتى منه اهني بالديره والوحده ما تأمن فمابالج بغربة,, فضلا لا سمح الله حدث مكروه للزوج شنو موقفها اهي شراح اتسوي مع عيالها واهي مااحد لها اهناك,, انزين تزاعلت مع زوجها وين راح تروح ما لها احد اهناك,, انزين حدث الطلاق العيال شنو مصيرهم يتلتهون بين هالديرة وهالديرة صعبة وايد هذا في حالة ان الاجنبي خارج الديرة

في حالة ان الاجنبي مقيم في الديرة بتلاقي صعوبات لا تعد ولا تحصى عيالهم يعتبرون اجانب ما راح تلاقي مسكن يضمها واشياء وايد ما تتوافر الا للمواطن

ماادري هذا رأي والاختلاف بالرأي لا يفسد للود قضية