غريب أمري ساعدوني

السلام عليكم


انا في عندي مشكله أعاني منها بس ماني عارفه وشو الحل وفكرت أكتبها بعد عناء مني وعدم معرفة الحل

انا طالبه جامعيه أدرس والحمد لله المشكله كل مايجي أختبار لماده أذاكرها وأجتهد ولكن مارووح أما أكون متضايقه وماأروح او اي شي يصير لي مستحيل يخليني أروح وتعبت والله من هالحاله واخر شي هذا الاسبوع كان عندي اختبار يوم الثلاثاء وبديت أذاكر من يووم الجمعه علشااان اخاف انه يجيني ظرف او اي شي اكون وقتها مذاكره المهم من يوم الجمعه وانا فاتحه الكتاب لحد يوم الثلاثاء اختباري موعده الساعه5 صليت العصر ولبست وتعدلت علشان أراجع وبعدها أروووح الجامعه يوم لبست وخلصت وجيت براجع والله ثم والله ماأكذب عليكم انه على طووول رحت بدلت وقلت ماني رايحه ليه ماأدري تضايقت من وشو ماأدري
هذا اخر شي صار لي هذا الاسبوع وانا خايفه والله لدرجة والله ماأكذب عليكم عندي اختبار من شهر 3 والله ثم والله أني ماأختبرته لحد يومكم هذا ومع اني مذاكره وخلاص برووح بكره بس انه ماأروح وكل ماحددوا لي أختبار نفس الحاله وأنا والله تضايقت من اللي يصير لي

مع العلم الحمد لله أصلي ومواظبه على صلاتي واذكر ربي الحمد لله وأختم القرآن الحمد لله بين شهرين لدراستي وانا كان اجازه اختمه في شهر
بس وشو اللي يصير معي ماأدري تعبت ياليت تقوولوون لي وشو أسووي مع العلم اللي معي لما اقوولهم بالجامعه يقوولون لي أهمال منك وأنا والله مو أهمال مني لو اهمال ماأفتح كتبي أجي وأنا مذاكره وموقادرين يفهمون الوضع

تكفوووون ساعدوني تعبت