غريب امري والله غريب تعالو فسروا

يابنات علشان احطكم بالصورة انا بنت والحمد لله تقدرون تقولون مميزة من ناحيه الشكل واللبس
المهم ماكنت ارقي نفسي ابدن ابدن حتى اذا رحنا انا وامي لزواج ولا شي كنت اسمع امي بالسيارة كذا بصوت خفيف وهي ترقي نفسها وانا اكون لاهيه اما باكسسورات او جوال
وبكل مرة امي تهزئني تقول لية ماترقين نفسك وانا مااعبرها :(
صارلنا على هالحاله يمكن 5 سنوات مااقول ولا حرف لاجينا نطلع مااهتم بالعين والحسد

صار لي فترة حول سنة احلم احلام يمكن تقريبا 6 احلام كل تفسيرها يقولون الشيوخ ارقي نفسك
ولا اهتم
طبعا العين ضد الزواج هذا تفسيرهم
وفعلا كثير جدا جدا اسمع بناس ودهم يخطبوني بس مايتم شي مجرد كلام يعني
علما اني وانا نايمة احيانا احس بحركات بس والله ماني متأكدة احيانا اقول يمكن وسوسة ومافيني شي

قبل فترة قريت سورة البقرة وسبحان الله خلال الايام اللي اقراها انخطبت ولاتم شي
وتركتها لاانشغالي عسى الله ان يعفو عني ويعينني على طاعته
بعدين رجعت لها وانخطبت مرة ثانية سبحان الله بس برضو ماتم
احيانا يوسوس لي الشيطان انة مجرد صدفة والى الحين اقول ممكن صدفة والبقرة مالها دخل مادري وجهوني تراني تعبت

الامر الغريب والمحير من كل كلامي فوق
انه صار لي تقريبا اسبوع وانا ارقي نفسي كثير قبل مانام بالفاتحه 11 مرة وانفث على نفسي واقرا سورة البقرة بس ماحس شي ابد ابد
البنات الي فيهم شي يقولون نحس يتنميل او خفقان او نعاس او اي شي غريب
انا اذا قريت والله عادي مايصير شي ماااااشاء الله احترت مادري فيني شي ولالا يارب مافيني
بس الاحلام تدل على انة فية شي
علومني وش اسوي تعبت من كثر التفكير والله
لاتقولون تقرين بدون حضور قلب .. لاوالله اني اتأمل الايات واستغفر وتغيرت كثير عن اول بس مافية اعراض كييييف ؟