بسم الله الرحمن الرحيم
السلام عليكم ورحمه الله وبركاته
صلو على محمد وعلى اله وصحبه اجمعين
اخواتي الحبيبات بنات الرياض ايش رايكم في برد الرياض هالسنه
صراحه روعه بمعنى الكلمه يجنن خفيف يجي البرد في الصباح وبعد ماتشرق الشمس يصير الجو خرافي يهبل والله الحمد والمنه اذكرلا السنوات الفايته كنا نتجمد حتى البطانيتين 2 فوق بعض وبرضو باردين واذا بردت ارجولنا ماعاد تدفا ابدا
والله اني اذكر موقف مر علي اني بغيت اموت
لا تضحكو وربي صادقه
اذكر كان ولدي تعبان تطريش الله يكرمكم واسهال وحالته حاله والا فاد دوى المستوسف فرحت مع زوجي للمستشفى
وكان في الصباح ومستعجله وولدي تعبان وحالته حاله واولادي الثانين وديتهم المدرسه وزوجي فطرته بسرعه عشان نمشي بسرعه لانتاخر على عمله
وامشي بسرعي وانسى نفسي وكنت لابسه جلابيه مخمل
وامشي مع زوجي كان برد مو طبيبعي وش سوى زوجي
خلى السياره في المواقف ومشيت انا وولدي على رجولنا مسافه طويله عاد مع البرد وهواء الصباح البارد جدا والله اني ماوصلت المستشفى الا قدني احس اني باطيح وقلبي بيوقف من البرد وجلس اناظر لي مكان مناسب ابي اطيح فيه ومشي يالله يالله واطيح وقلبي خلاص بيوقف الا الحمد لله عدت بسلام
وكنت اقرا من اول عن الي يموتو من البرد في الرياض خصوصا بعض العمال واستغرب اقول كيف من البرد ؟ اثاريه سبحان الله صحيح ثوقف القلب من شده البرده الله لايعيده من موقف وجعله مايجيكم والا مسلم
المهم فعلا جو الرياض هالسنه غير
والا ايش رايكم ؟
يارب يستمر كذا الين ينتهي
لايكون بيجينا شئ ابرد من كذا
الله يستر
يلزم عليك تسجيل الدخول أولًا لكتابة تعليق.
من يوم الخميس والبرد زايد علينا والحمدلله علا سلامتك وانتبهي مرة ثانيه تطلعين بدون ماتخذين احتياطك
فعلا الجو روعة خصوصا على الساعة 9 و10 الصباح جناااان
انا الوقت هذا اطلع بالحوش وافرش فراش واجلس بالشمس
يصير الجو دافي وحلو
انا الوقت هذا اطلع بالحوش وافرش فراش واجلس بالشمس
يصير الجو دافي وحلو
الصفحة الأخيرة
وماشاء الله تبارك الرحمن ،، الله يهنيكم بالجو الحلوو ويديمه عليكم ياارب