غسالات ال جي الاتوماتيكية ما احبها :((

اسعد الله مساؤكم

كان عندي غسالة ملابس ال جي اتوماتيكية عاشت معاية 10 سنوات تقريبا بهدلتني في الآونه الاخيرة بالتنشيف لمن تجي تنشف توقف وتعيد برمجتها وتحط غسل !! المهم في النهاية حصل معاها ان حوضها انشرخ بسبب نص ريال ،، من جد والله ،، نص ريال دخل وجلس يخبط وماعرفت اطلعه قمت طنشته
وفي الآخر صارت الموية كلللللها تكب من اسفل
وديتها المصلح قال يبغالها حوض جديد !!

الحمدلله على كل حال
مافي حل الا اشتري وحدة جديدة رحت برضو اشتريت ال جي بس مطورة عن الاولى في البرمجة يقول الراجل هو آخر مويل نزل
جبتها البيت والغسيل جبال وانا فرحانة واجي اعبي الموية وتخيلوا المفاجأة ،، تصب موية من تحت !!
انفجعت في البداية وقمت اسمي عليها واقرأ وربي عورني قلبي
اتصلت على الشركة قالوا ولايهمك بكرا واحنا عندك بس الكذابين طنشوني
وانا ابغى ارجعها بس صاحب المحل يتهرب وقفل جواله
تأزمت نفسيتي وكنت حبكي اصلا بكيت وربي
بالله ايش رايكم اي اسوي ايش ذا نحس لا ايه !!!
احد صار معاه زيي
قولولي طمنوا قلبي :(