أم رهف :

لاماقصد هذي الازرار لا Gslh اللي عليه سهم سوال اخير اذا لمستيها وهي شغاله تلتمس لان امي مسويه عليها حضر ماحد يقرب من عندها لين تفصل السلك هل هو صحيح

لاماقصد هذي الازرار لا Gslh اللي عليه سهم سوال اخير اذا لمستيها وهي شغاله تلتمس لان امي...

السنابل>>> :

شوفي حبيبتي ,أول زر زر على اليسار هو زر تشغيل الطاقة <------------قديمة ههههههههه القرص اللي بعده لإختيار النظام المناسب للوسخ ونوع الصحون , راح أتكلم عنه بعدين . الأزارير الثلاث اللي فوق بعض ,أول زر من فوق تضغطيه إذا حبيتي تعايري الغسالة إنه تشتغل بعد مدة معينة يعني تحطي الصحون والصابون وتقفلي الغسالة وتضغطي على هذا الزر وممكن تختاري إنها تغسل بعد 3 ساعات أو 6 ساعات أو 9 ساعات ,كل مرة تضغطي عليه يتغير الوقت وتعرفيه باللمبات الثلاث اللي جنبه اللي تبين حالة الغسالة (غسيل ولا تجفيف ولا إنتهاء ) كل زر مكتوب عنده رقم .والظاهر بعد ما تختاري تأجيل تشغيل تضغطي على زر تشغيل ( وهو الزر اللي على يمين الأزرة الثلاث ) وخلاص الغسالة ما راح تبدأ غسيل إلا بعد مرور المدة اللي أخترتيها ..ممكن تفيدك هالميزة لو تبغيها تشتغل وإنتي برة البيت أ, وإنتي نايمة ,ومفيدة في الدول اللي عندهم ينخفض إستهلاك الطاقة في ساعة معينة فيختاري إنه الغسيل يبدأ في هذا الوقت . الزر اللي في الوسط إذا مواعينك قليلة وتعبي رف واحد وتبغي تغسليها فحطيها في الرف العلوي و أضغطي هذا الزر فيغسلك رف واحد فقط وهو العلوي الزر اللي تحت تضغطي عليه لما تستخدمي الصابون المكعبات وراح يظل نشط (لمبته مولعة ) كل مرة تشغلي فيه الغسالة أما لو بتستخدمي الصابون البودرة فخلي الزر هذا مطفي. الزر الأخير (يمين الأزرة الثلاث ) زر ما قلت هو لبدأ عملية الغسيل. بالنسبة لأنظمتها : راح أبدأ من اليسار ( 1 ) نظام خاص بالأواني الرقيقة مثل الصيني والكريستال ,والأشياء الحساسة اللي تخافي عليها ,بيكون نظام رقيق وما يستخدم فيه حرارة عالية على ما أعتقد علشان لا تأثر على المواعين الحساسة لكن في المقابل بيكون كمية الصابون أكثر من باقي الأنظمة . ( 2) (صورة قدر وصحن وفيه خطوط ) هذا غسيل مكثف لللقدور والصحون المتسخة بشدة وهو أقوى نظام ,ويكون طويل وبحرارة عالية. ( 3) النظام العادي ,يعني وسخ معقول. ( 4)النظام اليومي,يعني لعدد من الصحون اللي تستخدم يوميا مع مقلاة واحدة و قدر واحد<------لا تضحكوا هههههههه هما كدة كاتبين في الكتلوج ( علشان تحصلي على نتيجة حلوة لا تعبي الغسالة كثير إذا حابة تستخدمي هذا النظام ) ( 5 )نظام الشطف أو النقع مثل ما مسمينوا ,ممكن تستخدميه إذا كنتي حابة تأجلي الغسيل لوقت ما تتعبى الغسالة و خفتي يلصق الوسخ بشدة في المواعين فتشغلي هذا النظام يشطفها بموية تقربا دافية وطبعا ما تحطي صابون . ( 6)النظام الإقتصادي ,ومع إنه مدته أطول من غيره لكنه موفر أكثر في الطاقة ( 7 ) النظام السريع ,تقريبا نص ساعة ,وما تكون الغسالة مليانة مواعين يعني تقريبا (طبقين وكوبين و4 ملاعق وقدر ومقلاة ) ممكن أيضا بدون القدر مثلا والمقلاة لكن تكون الصحون والأكواب أكثر ,يعني بالتجربة راح تعرفي الكمية المناسبة ,وأنا من تجربتي لما تستخدمي هالنظام لا يكون الوسخ لاصق بشدة في المواعين يعني يفضل يشغل مباشرة بعد الإستخدام ,أعطيكي مثال : أكواب الحليب والشاي بالحليب والنسكافيه ما في مشكلة لو ناشف فيها بواقي المشروب راح ينظف بهالنظام ,لكن لو كنتي مغمسة شابورة في الشاهي بالحليب فطبعا راح يبقى فتافيت من الشابورة لاصقة في الكوب إذا نشفت وما غسلت مباشرة فما راح تنظف بالنظام هذا لكن إذاكنتي راح تشغلي هذا النظام فأشطفيها بالموية قبل ما تحطيها في الغسالة .وهذا النظام ما فيه تجفيف لكن ممكن تفتحي الباب وتخلي المواعين لين ما تنشف .لكن ملاحظة في هذا النظام الصابون ما ينشطف غير مرة واحدة فمهم ما تستخدمي كمية كبيرة من الصابون لأنها ما راح تنظف من المواعين وراح تلاحظي لما تمسكي المواعين وهي مبلولة إنها لزجة أقصد عليها طبقة تزحلق معناه ما نظف الصابون فكنت أضطر أغسلها بالموية علشان يروح ,ومن تجربتي يكفي في هذا النظام والنظام اليومي كمية من الصابون تقريبا نص ملعقة تقليب السكر ( أصغر ملعقة ) لكن هذه الكمية ما تناسب تنظيف القدور لذلك إذا عندك قدور تبغيها تنظف فلازم تستخدمي إما النظام الثاني أو الثالث أو السادس. جربي الأنظمة المختلفة لحد ما تلاقي النظام المناسب لك ولمواعينك ..تذكرة الغسالة غير مناسبة للقدور الألمونيم لأنها تسودها مع الحرارة.

شوفي حبيبتي ,أول زر زر على اليسار هو زر تشغيل الطاقة <------------قديمة ههههههههه القرص اللي...