غسالة الصحون اريستون

أب

انا عندي هالغسالة..وماشية معي ودي اساعدك بس مدري وش تبين بالضبط..
من ناحية تطول هي تطول لذلك انا استخدمها اذا كنت مشغولة.. نجي للشرح..

فيها من اليمين الزر الكبير هذا حسب نوع الغسيل اذا المواعين وسخة مرة اومعها قدور تحطين المؤشر على رمز القدر..
اذا اقل اتساخ او اقل عدد مواعين تحطين على شكل الزبدية الي بعد القدر..
اذا كاسات واشياء حساسة تحطين على رمز الكاس وبعدها تضغطين زر التشغيل..ولا تفتحينها الا اذا جا المؤشر على زر التنشيف وخلصت دورتها..

فيه لمبة تولع اذا خلص الملح حقها تلاقينها جمب لمبة التشغيل..

وفيه زر مكتوب عليه2/1 هذا اذا المواعين شوية وبيكفي تحطينها بالشبك العلوي فقط تضغطين هالزر قبل التشغيل عشان تقتصد بالموية وتركز على الشبك العلوي بس..

فيه رمز قدر بجانب زر التشغيل هذا اذا المواعين فيها بقع صعبة او شديدة الاتساخ بزيادة تضغطينه بس تراه ياخذ وقت اكثر بالتنظيف..

اتمنى فهمتي شرحي وان غسالتك زي الي عندي..
اي سؤال تراي بالخدمة..

جزاك الله خير والله يسعدك
بس حبيت اسأل من وين نشتري الملح والصابون
وتسلمين...............

الملح والصابون تلاقينهم بالمحلات الكبيرة زي بندة والعثيم وغيرهم بقسم المنظفات..

الله يجزاك الفردوس
وحقق لك ما تؤملين من خيري الدنيا والاخرة
مشكووووووووووووورة يا عمري