فعلا الغساله تضرب ماس
انا لازم اللبس جزمه وتكون يدي ناشفه
واحيانا ما يفيد
عيالي يخافون يقربون منها

طيب الله يسعدكم انا لى 3 شهور شاريته بس مو عارفه كيف اشغله وهى من لنوع الجديد اللي فيه نظام غسل القدور
ياليت اللي تعرف تخبرنى كيف احط لصابو والملمع والملح وكم وقت الغسل اللي تغسله

يسعدكم ربي ردو

معليش اختي توته في قرية التوت
انا سمعت عن هذي المشكله .. وايضا قالوا لازم تجيبون الصيانه يشوفونها خاصه اذا كان شي واضح
اعتقد الاخت موني تقصد ارضيه تعزل الغساله عن الارض مثل الخشب (يجي مع الغساله لوح خشبي حطيه اسفلها)

بعد اذن صاحبه الموضوع راح ارد ع الاخت toto2008

حبيبتي الغساله فيه اربع فتحات داخليه
بقاع الغساله موجود فتحتين واحده صفايه وواضح من شكلها والثانيه مكان الملح تعبينها لحد ما تمتلي وتقفليها
نجي للبوابه ايضا فيها درجين او فتحتين
واحده للملمع السائل وهي اللي فيها درجات تصبين الملمع فيها حتى تمتلئ وتظبطين درجه اللمعان(انا ظابطتها ع4) وتقفلينها
الفتحه الثانيه للصابون سواء بودره او مكعبات وتقفلين الغطاء

نجي لنظم التشغيل
بعد ماتكونين شلتي الطعام من على الصحون ورتبتيها بحيث ماتكون متراكبه ع بعض والكاسات والقدور والفناجين والبيالات كلها مقلوبه
والملاعق والشوك والسكاكين بالسله
سكري البوابه وروحي لاختيار النظام

هي لها ست انظمه
النظام الاول مكتوب عليه 6 نظام اختيار تلقائي يختار الوقت ع حسب اتساخ الاواني يعني فيه حساس بس انا حسيته طويل شوي ويستهلك كثير
فيه نظام الغسيل سريع يستغرق ساعه الاربع وماحبيته
فيه نظام غسيل اولى هذا تستخدمينه اذا عندك صحون او اواني حاطتها من الصباح وماراح تشغلين غسالتك الا بالليل شغلي هذا النظام حتى يشيل بقايا الاكل ويسهل غسيلها في الليل
نظام غسيل اكواب للاواني بسيطه الاتساخ مثل الاكواب
نظام غسيل اقتصادي هذا انا دايما استخدمه مدته ساعتين ونصف
نظام غسيل الاواني شديده الاتساخ مثل القدور وقلايات الزيت وهكذا

المهم فيه زر اختيار النظام ..تظغطين عليه وتختارين اللي يناسبك من الانظمه
بعدين فيه زر مرسوم فوقه مكعب هذا اذا انت تستخدمين صابون المكعبات تضغطين عليه حتى تضئ اللمبه
اما اذا انت تستخدمين الصابون البودره لازم تطفين اللمبه وذلك بالضغط على الزر حتى تنطفئ(صابون المكعبات معاه ملمع فاذا شغلتي اللمبه ماراح يستهلك الملمع الموجود في الغساله)
ونفس الزر اذا ضغطتيه ضغطه خفيفه را تضئ لمبه ضخ الماء القوي
وقريب للشاشه فيه زر مرسوم عليه ساعه هذا توقيت (تقدرين تختارين النظام وتظغطينه وتظبطين وقت تشتغل فيه مثلا بعد اربع ساعات راح تشتغل تلقائي)
زر التشغيل بعد ماتضبطين كل شي تظغطينه حتى تشتغل الغساله
ايضا هناك لمبتين فوق بعض
واحده مكتوب عند s تعني الملح اذا اضاءت معنى هذا انها استهلكت الملح وتحتاج تعبينها من جديد
والاخرى * وتعني الملمع

انا استخدم مجموعه فينيش(صابون وملمع وملح ..افضل استخدام الصابون البودره ع المكعبات)
بالنسبه للقدور الغساله تغسل اي حاجه ماعدا المعدن او الخشب او الالمنيوم او البلاستبك الخفيف
يعني اذا قدورك استينسل راح ترتاحين ان شاءالله منها

هذا اللي عندي واي سؤال انا حاظره

نفس مشكلتي انا قبل يومين اشتريت غسالة الصحون الجديده من ويربول مررررره روعه ارتحت من غثت المواعين المطبخ نظيف بس الماس الكهربائي يخوفني مدري ليش يصير الالتماس صرت افصلها ورتب الاطباق ورجع اشغلها ونفس الطريقه بعد ما تخلص افصل الفيش وطلع الاطباق

الله يكتب اجر كل من ردت
بيض الله وجيهكم والله نعم الاخوات