كيفكم حبيباتي ان شاء الله بخير
اليوم جايتكم باستفسار عن غسالة الصحون بيكو اللي عندها ياليت ماتبخل علي
انا قبل يومين اشتريت من ساكو غسالة صحون سعرها ومميزاتها عجبوني ودورت
بكذا موضوع وامدحوها فتوكلت على الله واشتريتها من اكسترا واليوم وصلتني وركبها
الفني وشرح لي عليها بس مافهمت عليها عدل فياليت اللي عندها نفس غسالتي تفيدني
كيف اشغلها وهذي صورتها بموقع اكسترا
وصورتها بمطبخي وصور لوحتها
انا شفتها في ساكو قبل اسبوع وعجبتني حسيتها حلوه وممتازه
بحاول اساعدك حسب الي اشوفه من لوحه التحكم
اول شي اضغطي الزر الي باليسار الدائري عشان تشتغل الغساله
بعدين اضغطي على اول زر مربع فاليسار اسمه program ومنه تقدري تختاري البرنامج الي تبين
وتحت موضحه البرامج من p1 الى p8 يعني فيها 8 برامج
p1 للشطف اذا تبين تخلين الصحون فتره فالغساله اشطفيها عشان ماتنشف بقايه الاكل فيها
p2 برنامج بسيط درجه حراره المويه فيه من 30 الى 35
p3 الاقتصادي
p4 سريع
p5 تنظيف عميق وقوي درجه حرارته 70 وعاده فالغسالات الثانيه يكون مرسوم عليه قدر
p6 نظام التعقيم للرضاعات
p7 ماعرفت وضيفته بالضبط بس اتوقع مشابه لرقم 5
p8 اوتوماتيك يختار درجه حراره المويه حسب اتساخ الصحون وكميتها
بالنسبه للازار المربعه الي باليسار اول زر مثل ماقلنا بروقرام
ثاني زر الي تحته نص حموله يعني تحطي صحونك فالرف الي فوق وتضغطي نص حموله وتختاري برنامج من البرامج ال8 وتشتغل الغساله على نص رف بس المروحه الي فوق تشتغل
وفيها قفل امان من الاطفال على ما اظن تضغطي زر بروقرام مع نص حموله 3 ثواني وتقفل لوحه التحكم
اخر زر ماعرفت اتوقع بخار او تجفيف بالبخار
الازرا الي فاليمين اول واحد حق تشغيل البرنامج بعد ماتختاري البرنامج اضغطي وتبدا تغسل وتقدري توقفيها في نص الغسيل لمن تغطي عالزر هذا
والي تحته حق التوقيت اذا تبينها تشتغل بعد ساعتين او ثلاث مثلا
الزر الاخير برضو ماعرفت حق ايش خخخخ
وبس تعبت وانا اشرح لاتنسيني من دعواتك ياعسل والله يهنيك ويبارك لك فيها وننتظر تقريرك عنها لاني ابي اشتري وللان محتاااااره :)