السلام عليكم بنات
بعد بحث وحوسه وبما إن خدامتي خلاص بتسافر :o
قررت إني اشتري لي أجهزه و أرتاح ع الأقل من أكثر شغلتين أكرهم
غسل المواعين والملابس
أول شيء غسالة الصحون رسيت على ثلاث ماركات وبأرتبهم حسب أكثر شيء عجبني :
بوش - ويرل بول - أريستون
ميزانيتي ما تتجاوز 3000 وممكن لو تستاهل كحد اقصى 3500
رشحوا لي أفضلهم + أقلهم تعقيد + أكثرهم توفير من ناحية الكهرباء والمويه خصوصا الكهرباء فاتورتنا مو محتاجه زياده + صيانتها متوفره وما تكون خراباتها كثيره ولها قطع غيار وضمان شامل لاي عطل + تركيبها سهل وماتاخذ مساحه لان مطبخي مو ذاك الكبر وما أبيها تضيق علي
وياليت تعطوني عيوب كل وحده و مميزاتها وايش الشيء اللي انتبه له قبل ما اشتريها لان ماعندي اي فكره عنها وأخاف ادفع فلوس واتوهق وياليت تذكرون لي الموديل اللي تنصحون فيه
وفيه شغله قريت انها ما تغسل القدور طيب هي اهم شيء وش اسوي ؟
هل في نوعية معينه اشتريها وينفع تغسل فيها بدون ماتسود ؟ وهل تغسل الصواني البايركس وصحون الميلامين
والملاعق والشوك أي نوع يمشي ولالا ؟
والزبديات البلاستك الزبده علموني وش تغسل وش اللي تخربه ما تغسله
الشغله الثانيه : غسالة الملابس :
احترت بين إل جي + هيتاشي لأنها عند امي وماشيه معاها تمام + ويرل بول
فياليت نفس الشيء ترشحون لي الأفضل وأهم شيءءءءء تكون خفيفه وناعمه عالملابس
وتغسل لي المفارش والبطانيات والستاير الخفيفه
لان الله يصلحهم يحوسون ملابسهم بالدقيقه واشتري لهم شغلات غاليه فأبي غساله أحط الملابس وانا مرتاااحه
وضامنه انهم يطلعون جدد ما يبهت لونهم ولا يتقطعون
وبرضو مهم ان انظمتها تكون واضحه وسهله ويكون فيها مكان للمنعم وللكلوركس والصابون ما ابي مكان واحد
يحوس الدنيا ابي احط الملابس والصابون والمنعم او الكلوركس واروح واخليها
واهم شيء تخلص بسرعه او فيها نظام سريع لاني مرات احتاج اطلع والبس شيء معين فجأه
وحدي فيها 2500 الى 2800
وكم الحجم المناسب لي عندي طفلين وانا وزوجي؟ عددنا متوسط بس نغسل يومي واكثر شيء اغسله ملابس أطفالي و ملابسي
وأغلب ملابسي شيفونات وساتانات ونفس الشيء بناتي كل ملابسهم كذا
والمفارش مهمممه مرررره عندي لاني ما احب المغاسل ونفس الوقت ماابيها تكون عريضه ما ادري كيف بس
باب غرفة الغسيل صغير ابي وحده حجمها مناسب وما تكون عريضه أتمنى فهمتوا علي
غثيتكم صارت عروس مو غساله :p
بس يالا انطلقوا وياليت تنصحوني بالمناسب منهم وأتمىىى ما تحوسوني بماركات غير اللي ذكرت لاني تقريبا قررت ما أجيب الا منهم
لكن قلت أكتب موضوع عشان أحصر الخيارات بخيار واحد
:icon32: استناكم ولكم دعووووه
عزف الخريـــف @aazf_alkhryf
محررة فضية
غسالة صحون + غسالة ملابس تعالوا ساعدوني بالاختيار ولكل وحده دعوه بظهر الغيب
26
3K
يلزم عليك تسجيل الدخول أولًا لكتابة تعليق.
فواحة عطرية
•
رفع لعيونك
الصفحة الأخيرة