الله يجزاكم خير ويرفع قدركم

بس اللي لاحظته ان فيه نوعين او ثلاثه من غسالات ال جي ومحتاره ايهم اختار

فيه مكتوب عليها 10 سنوات ضمان وفيه البيضاء وفيه استيل والله محتاره

الله يكتب اللي فيه الخير

ماشاءالله
مبروك مقدما

عندي ال جي بيضاء فتحة علوية 7 كيلو ونص حلوه مره ومريحه وتنظف استخدم لها اريل الاخضر وفانيش السايل
وبالنسبة لي علوية افضل من امامية لأني ماابي كل ماجيت ادخل ملابس او اطلعها احني ظهري لها
هذا غير العلوية لو نسيتي ملابس مااضفتيها تقدرين تفتحينها وتضيفين الملابس بسرعة
وغير كذا احس اسهل لي في تنظيفها خصوصا اقدر اشوف الوسخ وين بالذات الاكياس اللي تجمع البقايا والاوساخ
واسهل اني اشوفها من جوا اخاف فيها شي منا ولا منا بحكم شقة وتسير علينا حشرات

انا عاجبتني مره البيضاء وشوفي اذا الاستيل تفوقها مواصفات توكلي ع الله بتكون أفضل إن شاءالله
والاهم شوفي ماديتك وش تقدر عليه واستخيري

موفقه

مشكوره على الرد

والحمدلله شريت البيضاء ب 3300 ريال 11 كيلو بس لسى ماجبنا سباك

ابي اسألك عن تصريف الماء ... يقول لازم مرفوع وتوصلو فيه هوز ثاني كيف يعني اشتري هوز او ماسوره واوصله للمجرى الماء او كيف ياليت اللي عن]ها صوره للتصريف الما ترفعه لي

ومشكورين

ماشاءالله
الله يباركلك فيها

مدري وش قصده
ومدري عن حمامكم وانتم بكرامة
انا التصريف عندي جدا سهل الحمدلله
احنا فكينا الخلاط وشبكنا الغسالة مكانة ولي التصريف رفعته من ورى الغسالة ع نفس مكان الخلاط بدون مسامير ولا شي شفته مايطيح خليته زي ماهو

بس انتِ مدري وين بتشبكينها
هذا يعتمد ع التشبيك
وترى لي التصريف مايصلح يصير منزل مره ع الارض ولا مرفوع مره ع الجدار لازم يكون وسط

يارب اكون فهمتك

امين يارب

لا بحطه بالمطبخ مافهمتك والله