السلام عليكم ورحمة الله وبركاته
من زمان ما شاركت في موضوع في هذا القسم....واليوم نظفت غسالتي وقلت خلني أصور واحط موضوع في عالم حواء
في البداية أذكروا الله وصلوا على النبي اللهم صلي وسلم عليه....عن العين الحسد..ترى ايدي فيها حساسيه وما أتحمل زود عليها.....وغسالتي ماعندي غيرها...هههههههههههه
المهم ندخل في الموضوع
غسالتي عادية مب أتوماتيك ( على شان محد يسألني كيف ننظف الأوتوماتيك....ههههههه)
وهذي صورتها
الأدوات اللي نحتاجها
ديتول
صابون سائل ( أو أي صابون تنظيف )
ليفة اسفنج
فرشاة أسنان قديمه لتنظيف المناطق الضيقه والزوايا ( ويفضل فرشاة أسنان الأطفال لأنها صغيره)
مله ...طاسه....(أي اسم تبغونه )
ومفك (سكروب)
يتبع>>>>>>>>>>>>
نفصل الكهربه....أهم خطوه قبل كل شي ...تأكدوا من فصلها
نفتح الغساله
تشوفون الفلاتر والشبكات اللي على الطرفين اليمين واليسار
نطلعهم على برا ونشيلهم بهذي الطريقة...تحتاج شويه قوه....بس مب تكسرينهم.. ترا ما يخصني ....هههههههههه
لا تخافون من البلاوي والأوساخ اللي تشوفونها....( والله يعين اللي ما عمرها نظفت غسالتها :42:....شكلها بتعافها وبترميها من اللي بتشوفه..).....هي صحيح بلاوي بس بعد التنظيف بتطلع الغساله تلق وتلمع...:42:
المهم بعد ما شلنا الفلاتر....نخليهم على جنب والأفضل إنج تحطينهم في ماي على شان الأوساخ تلين وتسهل عمليه التنظيف
وهاتي المله الصغيره وحطي فيها ماي وديتول شوي والصابون السائل شوي كلهم مع بعض....وهاتي الإسفنجه والفرشاة ونظفي مكان الفلاتر عدل...خصوصاً عند الزوايا....
يتبع>>>>>>>>>>>>