http://forum.hawaaworld.com/attachment.php?attachmentid=383691&stc=1&d=1309282845

http://forum.hawaaworld.com/attachment.php?attachmentid=383693&stc=1&d=1309282845
هذي صوره الغساله

مرحبا اختي نسخت لكي رد لي بموضوع ثاني عن طريقة استخدام الغساله ان شاء الله تستفيدي

أي موضوع شارحين فيه الاخوات غساله امريكيه تستفيدين منه لأنها نفس المفاتيح
وانا بشرحه لك باختصار

اول بكره حقت مستوى المويه من اليسار سمول يعني صغير ميديم يعني وسط سوبر يعني كبير

ثاني بكرة حقت حرارة المويه

من اليسار كولد كولد يعني غسيل بارد شطف بارد
بعدين وورم كولد غسيل دافي غسل بارد
بعدين هووت كولد غسيل حار وشطف بارد

وآخر بكره الي هي برنامج الغسيل على حسب الملابس الي عندك

اول واحد نورمل NORMAL مدته تقريبا 17 دقيقه اطول وقت وتنظيفه اقوى شي هذا استخدميه للملابس البيضا وشديدة الاتساج لانه اطول مدة وانتبهي لاتحطيه للملابس الخفيفه الي مثل الشيفونات والي فيها مثلا شرايط لانها ممكن تتقطع وتتفكك
اذا جيتي تستحدمينه طبعا بعد ماتختاري مستوى وحرارة المويه من اليسار تلفين البكره وتحطين المؤشر قدام كلمة OOF الي بجنبها دائرخ وتسحبي البكره لبرا عشان تبدأ تشتغل الغساله وطبعا ماتكفي للأبيض لفه وحده بس عشان كذا لازم تنتبهي لها تحطي المنبه بعد 16 دقيقه من تشغيلك لها ولما يدق منبهك كوني قريبه منها اول ماتوقف خلاص استني ثانيه وحده ودخلي البكره لجوا كانك تصكيها ولفيها لين البدايه واسحبيها تاخذ لفه ثانيه لأن هالغساله ماتقدري تتحكمي بوقتها نص ساعه او ساعه وقتها محدد ونفس الطريقه لو حابه تسويها على البرامج الثانيه الي حشرحها الحين

والبرنامج الثاني CASUAL هذا غسلته اقل من النورمل شوي يعني ممكن 10 دقايق استخدميه للملابس الملونه الي مو شديده الاتساخ وبنفس الطريقه تشتغليه لفي البكره لين كلمة OOF الي بجنبها دائرة واسحبي البكره لبره

ثالث برنامج DELICATE هذا للملابس الخفيفه والمطرزه والي ينخاف عليها مثل الاشمغه والاقمصه والشيفونات والبلايز المطرزه والملابس الي تخافي عليها والجديده ويشتغل بنفس الطريقه عند كلمة OOF الي بجنبها دائرة

اما آخر برنامج HAND WASH الغسل على اليد اخف برنامج للملابس الي يادوب تبينها تنغسل انا عن نفسي ما استخدمه لانه لما يشتغل تغسل كم دقيقه بعدين توقف لين تصرف المويه لاتستخدمينه الافضل الا اذا بتحطي شي مره تخافي عليه وماهو وسخ

زكمان فيه لو تشوفي بالبكره الكبيره فيه كلمه مكتوب عندها EXTRA RINSE وهي تعني شطفه اضافيه انا عندي غسالتي زر لها اذا بغيت شطفه اضافيه او لا اختار ومستغربه ماشفت الزر عندك
لأن لو اخترتيها تحلص الغساله شغلها كله عند كلمة OOF الصغيره اما اذا اخترتيه فتكمل شطفه ثانيه
يمكن الاخوات يفيدونك بالنسبه له

واي سؤال اختي تحتاجينه او مافهمتي شي اسألي ان شاء الله افيد

Hام ريف وبتال جزاك الله الجنه ووالديك أستفدت منك كثير بس حابه اسال اذا بغيت اشغلها بدون ما اخليها تحط مويه انا اللي بحط المويه
واذا بغيت احط النيل كيف اشغلها

ما فيه صور ولا كفت ام وريف وبتال ما قصرت

لازم هي تحط المويه لما تشغليها ماتشتغل على طول من غير صب مويه الا اذا حطيتيها على التنشيف وشغلتيها اما اذا حطيتيها على الغسل وشغلتيها بتعبي مويه اول لك

وانتي ليه تبين تحطين المويه بنفسك عندك ثلاث مستويات مايحتاج انك تحطيها بنفسك

اذا بتستخدمي النيله خليها تعبي المويه للشطف وانتي افضل انك تذوبي النيله في مويه بزبدية او كاسه ولما تعبي المويه حاولي انك تصبيها على المويه بعيد عن الملابس وقفلي الغطا تشطف عادي وتكمل الغساله شغلها

او انك تطلعي الملابس بصينيه برا لما تبدا تعبي للشطف وحطي النيله وقفلي الغطا خليها تشتغل وتذوبها زين بعدين حطي الملابس وخليها تشطف

بس انتبهي ترفعي الغطا قبل تسمعي صوت المويه تصب لان انا مره رفعتها احسبها خلاص خلصت تنشيف الا لفت وفجعتني

لأنها اول تطلع المويه من الغساله بعدين تنشف وترش مويه بنفس الوقت بعد ماتوقف تسمعين صوت المويه تصب لحالها للشطف