غسول طبيعي ... يخلي بشرتك ناعمه ولامعه ويزيل الحبوب باذن الله ... ومجرب

يا بنات من شهر واشوي صرت احاول اني استخدم اي شي طبييييييييييعي واحاول بقدر ما امكن اني ابتعد من الكيماويات

سويت لي غسول السدر علشان اغسل فيه شعري بس شفته اني ماعرف استعمله وما يعطي رغوه وغير انه في حبيبات السدر اللي ماتروح من الشعر

المهم قلت حرام اكب الغسول

وصرت اغسل فيه وجهي

والحبيبات الناعمه الي هي السدر افرك فيها الوجه (مثل المقشر )

واخليه خمس دقايق على وجهي وبعدين اغسسسسسسسسسسسسله

النتيجه

يخفف الحبوب ومايخليها تظهر ... وحتى ان حسيت ان حبه اطلعت على طول اروح احط عليها غسول السدر وتختفي باذن الله ويجففها

وراح تشوفين ان بشرتك افتحت من ثاني يوم ويمكن تلاحظين هالشي على طول يعني النتيجه فوريه .... اغسلي وجهج بالليل ونامي واقعدي راح تلاحظين الشي هذااااااااا

واكيد مع الاستعمال اليومي راح تلاحظين نتيجه مبهره

وماحطيت هالكلام لكم الا بعد ماجربت هالشي وشفته بعيني

الغسول مكون من :

علبة شامبو فاضيه ومغسوله زين .... ملعقة سدر كبيره ... واملي العلبه كلها ماء .... ولما تجين تبين تغسلين فيه رجي العلبه عشان تشوفين الحبيبات الناعمه

في بشره دهنيه وهو مناسب جدا لها ... حبيبات السدر افكري الوجه فيها راح يزيل كل الدهون

وفي بشره جافه ... بعد الغسول حطي اشوية زيت اللوز


اتمنى تجربون الطريقه وتشوفون النتايج

وان شاء الله ان ما نفعت ماراح تضر

وعلموني شنو يصير معاكم

:)