غسيل الملابس بالنسبة لي رعب..هيلب مييييي

بسم الله الرحمن الرحيم

السلام عليكم ورحمة الله وبركاته


اولا اشكركم جميعا من اعماق قلبي على تعاونكم وبعثكم الهمه في انفسنا وتشجيعكم لكل من ساهمت في المنتدى

انا موظفه عندي طفلين ماشاء الله الله يخليهم ويصلحهم يارب..

انتقلت لبيت اكبر شوي و الشغالة سافرت .. الله يغنينا عنهم ومايحوجنا لهم ابدا..

الحمدلله مو كسولة واذا اشتغلت انجز وفي وقت حلو ..لكن اخذتوا بالكم من كلمة اذا..:44:

المشكلة وين؟


المشكلة غسيل الملابس.. جبت مجفف وريحني كثير من سالفة الكي..


لكنننننننننننننننننن.. غرفة الغسيل فوق .. وانا انسانة خوافه.. والجو برد والبيت واسع

احيانا اتمنى امنية اروح اغسل الملابس وما اقدر .. لاتقولون غسلي الصبح او وقت النهار.. انا موظفه

يادوب ارجع اسوي الغدا اغدي عيالي واذاكر لبنتي وقت العصر وبعد المغرب تجهيز اغراضها والعشاء وتنييمها

يعني ما افضى الا عالعشاء.. ارتب وانظف المطبخ والغرف و اسوي شغل المدرسة اذا عندي شغل

خصصت يوم الخميس للملابس.. لكن لو جاء ضيوف فجأة او طفشت وحبيت اطلع يخرب كل النظام ويتبقى لي جزء من الغسيل هم على قلبي

فكرت انزل الغسالة او المجفف لكن ماعرفت وين احطها.. كبيرة والحمامات عندي عالقد

فكرت انزل الغسالة فقط واخلي المجفف لكن مسألة طلوع الدرج ما زالت قائمة..

اتوقع الحل بسيط لكن الى الان ما اهتديت اليه يمقن عشان مخي مليان اشغال وهموم يمقن عشان انا ما اعرف افكر

فيا اخواتي الحوائيات .. بلييييييييييييييييييييييييز هيلب مي.. النجدة ..


وعشان تقدرون تساعدوني في حل مشكلتي .. انا مطبخي تحت وغرف النوم في الدور الثاني والغسيل في الملحق

يعني اذا نويت اشتغل اقول لنفسي يلا يلا هرول هروله ..هرول هرولة.. ويا تلحق ياماتلحق:06:

انتظر حلولكم لمشكلة رعبي من الملحق و هم الغسيل