غش,كذب،عدم التزام،تدليس

السلام عليكم ورحمة الله وبركاته
مساء الخير على الجميع

(أول شيء أتمنى الموضوع ما يحذف وإذا تم حذفه إشعاري بسبب)

هذا الموضوع تفاعلي أي أتمنى مشاركتكم من اجل أن يستفيد الجميع من أخطاء البعض وتفاديها عند كتابة العقد مع الجهة المنفذة .

الموضوع و ما فيه أنتِ إذا بغيتي تفصلين مطبخ كنب طاولة أبواب شبابيك.. ..الخ
وش تسوين أكيد كلنا نبحث عن المحل الأفضل من جميع أنواحي لكن الواقع أننا نبحث عن الشكل الذي نرغب فيه ومن ثم يتم الاتفاق مع المحل البعض يسأل عن المحل إذا فيه احد مجربه أو لا طيب إذا ما لقيتي أجابه وش تسوين يمكن تجزمين وتنفذين عندهم طبعاً صاحب المحل أو المسئول عنه راح يخلي محله أفضل محل في الرياض من كثر المدح و الالتزام والدقة في العمل وعشان يثبت لك يوريك الصور إلي قام بتنفيذها عشان نقتنع وندخل في شباكهم لدرجة يكون اغلب اتفاقك من ناحية التفاصيل الدقيقة كلام بينكم والمكتوب في العقد ألزبده فقط إي المطلوب تفصيله والمقاسات وألون وكلامي من صميم عدة تجارب وأكيد فيه الكثير مروا بنفس التجربة ونغشينا يما بعدم التسليم في الوقت والمماطلة كل يوم يطلع لك بسبب أو الشغل مو دقيق لان الصورة ما توضح الحاجات الدقيقة مثل طريقة القص ونظافته أو طريقة تنفيذ البويه أو نوعيه الأغراض المستخدمة ليست جيدة ولم يتفق عليها من قبل في العقد وهذي من الأخطاء والكلام يطول في هذا الموضوع وعشان نثريه لازم نتفاعل مع بعض ونتفادى المشاكل من الأول .

(عندك محل تحبين تنبهين عنه عندك شخص تبغين تنبهين عنه وتفيدين خواتك لا تترددين لأنه بصراحة ملينا من الاستغلال والسرقة )
الكلام بين الأقواس مشروط أي لا يكون ذكر اسم المحل أو الشخص من اجل التشهير لا ليس هذا المطلوب من الموضوع .
لأنه ما في شيء كامل مثال فيه شخص تعاملتي معه في شغل و أنت من تجربتك عرفتِ إن هذا الشخص مبالغ في كلامه وغير ملتزم بالموعد لكن شغله مضبوط ومتمكن منه او اهو يتقن شيء معين لكن شيء اخر لا وهو يدعي ذالك وهذا ينطبق على المحلات أيضا في هذه الحالة تنبهين خواتك عن الطريقة إلي تمنيتي انك اتخذ تيها والأخطاء الممكن تفاديها إذا تم التعامل معه أو على الأقل الاستفادة من التجربة

أسفه على الإطالة وتقبلوا تحياتي ..