غشوني بزوجي ولما قرب رمضان يبوني اسامحهم !

السلام عليكم

يابنات يمكن تذكرون مواضيعي عن زوجي وحالته الغريبه وتصرفاته الاغرب

المهم امس باليل اتصلت ام زوجي على امي وتعتذر تقول احلونا قبل رمضان وانا اكلم حوسه وهي ماترد اكيد زعلانه علي وانا والله احسبه يعقل بعد الزواج _ تقصد زوجي _

وبنفس اليوم اخته كلمتني بالواتس اب تعتذر وتقول احليني رمضان جاي وحنا ماندري نصومه ولا لا بزعمها تكسر خاطري
قلت والله مااحلكم ولا اسامحكم لين تركضون وراء طلاقي مثل ماركضتوا وراء زواجي بكذب وغش وخداع
قامت تعتذر وتجيب اعذار غريبه انه هي بغربه وماتعرفه !!
واهم شي قالته ان امها حلفتها ماتقول شي لنا عنه علشان يتم الزواج !!
طبعا قامت تقول كل مساويه - وهي تقول قبل انا تغربت ومااعرفه - وبعدين قالت لا اصلا هو صار ( خبل ) بعد ماتزوجك اما قبل عادي !
قلت اذا هو صار خبل بعد الزواج اجل وشو الي حلفتك امه ماتقولينه لي لين تتم الخطبه ؟
وليه كل الناس تكرهه بما فيهم ابوه وامه ؟ وبعضهم يدعون عليه بالتعاسه ومرض الذريه واعاقتهم ؟
لاتقولين بعد بعد الزواج لان زواجنا كله على بعضه 4 شهور وانا من اول شهر لاحظت محد يكلمه ولا احد يعزمه حتتى اذاا رحنا لامه وابوه يتمصخرون عليه واي فرصه لسبه والتقليل من شأنه يسوونها يعني تصرفاتهم تدل على حقد وكره بعكس باقي عيالهم وبناتهم كله مدح ودعاء لهم بحضورهم وغيابهم !

بعدين قلت لها لو اني بنتك ترضيني اتزوجه ؟
قالت خلاص الي راح راح وانا كانت لي ظروفي الخاصه الي منعتني اقول شي عنه
قلت لها بصريح العباره ماراح اسامحكم لين اتطلق قالت والله حاولنا معاه وهو رافض وراكب راسه ولو نقدر نسوي شي سويناه
وامه لمحت لامي انهم يبون فلوسه حقت المهر !
وقااااااااااااااحه يابنات والله اني انقهرت قهر الله لايذوقه وحده منكم

يعني بعد كل هالغش والحاله النفسيه السيئه الي وصلت لها بس لان ذنبي اني تزوجت وبعد ماصرت معلقه جايين يعترفون انهم غشوني ويبوني اسامحهم لانهم غشوني وخطبوني وعذرهم ( نحسبه يعقل ) !!
حسبي الله ونعم الوكيل


بنات تكفون الي لها محرم قاضي ممكن يقرأ الرسايل الي من اخته ورسايله ويحكم بالعدل يحكم لي بالطلاق لضرر بدون ارجع له ريال من مهره
والله اني كلمت محامي وقلت له بعطيك فلوس المهر بس بشرط انك تطلقني منه بدون ولا ريال بس رفض يقول تطول يمكن تقعد سنين لاني مااضمن لك محاكمنا
تكفون بنات والله لا ادعي لها برمضان كله الي تساعدني وتدلني على محرم لها قاضي عادل اوريه الرسايل ***بعد ماضربني لاني ماجبت تقرير حسبته يطلق ماتوقعته نذل
احس بقهر وظلم كبير انخدعت وانغشيت واول كانوا يكابرون ويقولون ماغشيناك بس يوم قرب رمضان خافوا ادعي عليهم وانا والله ناويتها اني اقوم رمضان كله دعاء على كل من غشني وتسبب بضرر لي ويفكني منه عاجل غير اجل

الي عندها حل تقول لي ولا الي تعرف قاضي عادل ياخذ الرسايل والواتس اب ادله على صحة كلامي تقول لي بعد