غش حتى بالزواج

بنات من القهر بدخل بالموضوع ع طول خالي عمره 24سنه واهله يدورون له عروس قال صديق جدي ان له بنت اخت مطلقه وعندها بنت وجلس يمدح فيها وقال ان عمرها 22سنه وقال لجدي م راح تلقى عروس احسن منها وفعلا خطبو البنت
وبعد اسبوع وافقو اهلها حلو
بعدها باسبوع راحت جدتي وخالتي وشافوها طبعا عروس تدخل مستحيه ومنزله راسها المهم حبوها وباين عليها بنت اجواد وسوو التحاليل يوم طلب خالي النتيجه قال ابو البنت انا اخذ نتيجتك انت وياها واضبطها بس عطني رقم تحليلك وخالي ع النيه ويوم كتب الكتاب ابو البنت قال المملك انا اجيبه وملكو بس هالمره بعد ابو البنت قال انا اخذ الصك واضبطه لكم ووافقو وبعدها بيوم جدي الله يهديه عطاهم المهر بعد الملكه ع طول
تدرون ايش المشكله والصدمه
البنت طلع عمرها 29سنه
وخالي 24 سنه خالي انصدم انهم خبو عليه ومقهوور
والمسكين م يدري وش يسوووي
م كان عنده مشكله انها مطلقه وعندها بنت بس يكذبون عليه بالعمر قويه ونذاله ابو البنت هو الى كملت اجراءتهم علشان م يكشفون السالفه
حتى لو فكر ينفصل عنها خايف م يرجعون له المهر
ودي اعرف خالي من حقه يرجع المهر كامل والا لا
يقول لو اكبر مني بسنه او سنتين عادي بس اكثر من 5 سنوات صعبه
ي ليت الى عندها معرفه تقولي هل من حقه يسترجع المهر كامل لانهم خدعووه والا كيف
حتى البنت كاسره خاطري
حسبي الله عليهم الى كسرو خاطرهم ايش ذنبها تطلق للمره الثانيه والسبب غش خالها وابوها وخالي مسكين من حقه تكون زوجته اصغر منه
جدتي يوم شافتها تقول تعطي عمر اكبر من 22 بس قالو يمكن الهموم كبرتها
حبايبي انتضر ردودكم
والى عندها تجربه احد تزوج وحده اكبر منه لاتبخل علي