غش وكذب الكوافيره علي

السلام عليكم
بقولكم شصار معي قبل يومين عندنا مناسبه عائليه وكنت ادور بالانستا كوافيره كويسه وشغلها مضبوط للشعر والمكياج والقى حساب ويعجبني مكياجها وشغلها كله موجود بالصور ومن قوة ان شغلها رهيب ومتقن علطول حجزتها وحولت لها عربون بطلبها ..المهم وكل يومين اذكرها بالموعد تقول ابشري لاتشيلين هم بيوم المناسبه وصلت كوافيره ومكيجتني وسوت شعري شفت شكلي بالمرايه المكياج خااااايس ومو مرتب ابد ابد ابد وواضح انها عليميه وشعري صار ناشف وهو ناعم المهم اخذت الفلوس وهي طالعه قالت بصراحه اللي حجزتيها انشغلت وارسلتني انا وكان عندي طلبات بستلمها وشيل وحط ومره منشغله قلتلها اصبري لاتطلعين برجع اتفاهم معك رحت بس افهم الخدامه كم شغله الا هي راحت طلعت المهم بعد ماخلصت المناسبه ارسلتلي وسيعة الذمه والوجهه الكوافيره الاولى الي انا حاجزه تسالني تقولي وشلون شغلي ان شاءالله عجبك طبعا هي ماتدري ان الي جتني علمتني باانها مو هي قلتلها ماعجبني ووشلون تسالين عن مكياج مو انتي الي مسويته وعيب عليك وحرام تغشيني وماني محللتك ولامسامحتك قالت والله معليش كنت مزكمه وتعبانه وماقدرت اجي على فراشي قلت حتى لو مو من حقك المفروض صارحتيني وقلتي مقدر اجيك ارسلك غيري وانا اقرر اذا ترسلين او ترجعين العربون قالت والله هذا الي صار قلتلها ماني محللتك وحسبي الله عليك ... شرايكم يابنات بالموقف 😭 اقدر اشتكيها ولالا؟