طبيعي تكرهين هالشخص
انا كانت عند صديقتي دايم تستهبل فيني وتضحك الناس فيني قسم بالله مقهووووره منها للحين اني ماوقفتها عند حدها قليله ادب وكانوا البنات يضحكون وانا غبيه ماوريتها العين الحمرا ياربت ترجع بس الايام حسبي الله ونعم الوكيل حسيت اني فعلاً ضعيفه شخصيه وزيي الهبلا اقعد اضحك في وجهها
نصيحه شخص مايحترمك اقلبي عليه واعطيه العين الحمرا
الاحترام وراحة البال اهم من صداقه هالاشكال
قله ادب وربي حاسه فيك وماني طايقه ذي البنت ليومك
عسى يجيها اليوم اللي تتشمت العالم فيها يارب
صديقتك ذي احسبي على ام امها

الي تحسي فيه شي طبيعي لان الشي اذا زاد عن حده انقلب ضده ياشيخه احمدي ربك هذي صديقتك ياتحترم نفسها يا اسحبي عليها آش تقولي عني أنا اختي زي صاحبتك تغلط دايم علي بالكلام من باب المزح وانا اكره هالمزح أنا اعتبره وقاحه وقلت احترام مع انها طيبه لو اطلب عيونها أعطتني لكن اسلوبها معاي مايعجبني سرت رسميه معاها والله غصب عني معني اختها الكبيرة بيني وبينها عمر المفروض تحترمني لكن الله يصلحها ويهديها ،،

الغلط انك كنتِ من البداية ساكتة وتتقبلي
كانت عندي صديقة نفس ما وصفتي ، بس ما كنت اسكت لها ، كل ما تتكلم كلام ثقيل كنت أقول لها لا لحد هنا وبس ما اسمحلك
نمزح ونضحك ونحب بعض بس بدون كلام ثقيل
طبعا كنت أقول لها هالكلام مع ضحك ومزح مو بلهجة زعل
وفعلا مع الأيام بطلت ، تمزح مع الكل الا انا تحترمني

ووع وصلتني 😷😷 يااختي اذا قالت 💨💨💨 قولي بلا قله أدب ووقرف عيب استحي احترمي وش ذَا

النبي صلى الله عليه وسلم قال ان الله يبغض الفاحش البذيء....
في الترمذي عن أبي الدرداء عن النبي صلى الله عليه وسلم أنه قال: "ما شيء أثقل في ميزان المؤمن يوم القيامة من خلق حسن، وإن الله ليبغض الفاحش البذيء".
الكلام الطيب الخالي من الألفاظ القبيحة شئ يحبه الله و حثنا عليه نبينا صلى الله عليه وسلم ..والنفس بطبعها وفطرتها السوية تنفر من الأفعال والأقوال السيئة.. وترفضها من البداية فلا داعي للتلفظ بها نستطيع ان نمزح ونمرح مع اصدقائنا بكلامات طيبة لا فحش فيها ولا بذائه وليس الكلام القبيح من خفت الدم او الشئ المحبب ..
وهؤلاء الأشخاص لو وجدوا النصح وعدم التقبل من البداية لما تمادوا في ذلك.. وسينفر منهم الناس عاجلاَ او آجلاً ..
للأسف هذه الألفاظ تستقبح من الرجال والشباب فما بالنا بالفتاة الرقيقة الناعمة المهذبة ..
انصحي صديقتك بينك وبينها حتى لو لم تريدي العودة إليها لأني والله أحزن على من هي في مثل حالها ..يضحك السفهاء من قولها وتظن انها بلغت اعلى المراتب وللأسف ما تفعله يحتقره العقلاء ..
وفقنا الله جميعا لما فيه الخير..