غصة الحلق اهلكتني

السلام عليكم
بقولكم قصتي عشان تكون واضحه
انا من سنه ونص فجاه جتني حالة خوف وصرت اخاف اطلع وضيق تنفس وغصه بالحلق تخليني كل ماغفيت افز من نومي
سويت تخطيط سونار للغده كل شي مافي شي الحمدالله الا الغده كسل ونقص دال وب ١٢ والقالون الي لازمني وماعاد فكني ابد
المهم صرت كثير اروح مستشفيات بعد ٨ شهور من المعناة قلت بس ابي طبيب نفسي ف رحت وشخص حالتي ب اني هلع وقلق
واستخدمت العلاج ومن بعد الله وقوة من نفسي الحمدالله بديت اتحسن
تركت العلاج بدون استشارة طبيب لان كان كل شهر لازم اروح والوضع المادي مايكون دايم جيد
الحين لي ٨ شهور تركت العلاج فيني اعراض توتر بس من خمس ايام رجعت لي هالغصه الي عكرت علي كل شي صرت اخاف منها
شفتو مكان اللهاة من فرق اخر شي احس فيها هنا
الحين من الخوف افكر ارجع للعلاج لانها ملازمتني هالغصه
مدري ش سببها نفسي ولا قالون ولا جيوب ولا ايش
تعبت مره مره مدري شسوي مابي ارجع زي قبل ماعرف انا مين واهملت زوجي وبنتي وكل شي