غصة وحرقة قلب عروس

بناااات انا ابي افضفضلكم بس ارجوجن بلا تجريح لان الي فيني مكفيني

بنات انا من اول ما وعيت ع الدنيا وانا اتمنى اتزوج و يصير عندي عائلة و رجال اتكلم معاه لاني ماعندي صديقات بسبب اهلي المتشددين، يعني صديقاتي حدهن الجامعه اما طلعات مع بعض و كذا مافي

والله اني كنت ابكي كل يوم وادعي ربي بالزوج الصالح الي اتزوجه وانستر و اكون عائلة الى ان ربي حققلي مرادي




بنااات انا زوجي الي تزوجته فيه كثير سيئات منها ضعيف الشخصية وعنده ضعف جنسي ، الضعف الجنسي ما كان هامني لاني كنت احبه واقول في نفسي اهم شي الستر و الرضا ب القليل، ضعف شخصيته لا يتخلها العقل يعني يقدر اخوه ابو ال عشر سنين يديره باشارة منه

فيه كثير سيئات مابي اذكرها الحين لان بتقولوا عني مجنونة وكيف اقدر احن و افكر بهكذا رجل




بس يا بنات انا من جد لمست فيه الطيبه، لمست فيه شوية حب خفيف، وكنت حامدة ربي وشاكرته واقول في نفسي لابد ينعدل بيوم من الايام




بس انا الي قاهرني انو الي وصلني للطلاق و المحاكم و الكره بين اهلي واهله و التعب النفسي و وصل زوجي انه يتكلم عني كلام عاطل قدام الكل هي امه !!!

يعني انا بس ابي اعرف ، امه تعرف ان ولدها يطيعها و بار لها و يسمع كلامها ويحترمها لابعد الحدود ليش تستخدم هذا الشي كله ضدي واتصير تقارن فيني وكاني ضرتها ؟؟ ما فكرت بولدها ؟؟

ما فكرت ان الطلاق هذا شي صعب و مر وحرام تظلمني مع ان انا اثبتتلها بالمواقف الكثيره اني احب زوجي وايد و متمسكه فيه و ابيه مع انه كان عنيف معاي وسيئ جدا بسبب كلامها لان كانت اذا تقوله روح يمين يروح يمين و يعني كان بدون تفكير يطيعها طاعة عمياء.




يا بنات في شي ابي اقوله لو كانت الاهانة و الكره و الضرب و المساوء هذي كلها من زوجي من الباب للطاق يعني امه مو هي المحرضه كان انا الحين مرتاحه واقول الحمد الله ربي خلصني و فكني

بس الي يقهر ان امه ربي يهديها كانت تحرضه والله عينك عينك قدامي ولا تستحي ولا تخاف من الله ، كان يجيني البيت يقولي امي تقولي كذا وكذا ويضرب فيني مع اني احسه من قلبه مانه راضي ع الضرب بس مجبور لان امه كذا تبي




والله يا بنات اني اوقات احس بحرقة و غصه تخنقني، يعني كل الزعلانات عند اهلهن في بينهن وبين ازواجهن مسجات و واتس اب و كل شي، انا يوم الي زعلت عند اهلي من اول يوم ام زوجي حظرتني على كلششي و ثاني يوم زوجي حظرني

سكرت كل الطرق الي تؤدي لي ، حتى اهلي مستغربين بيقولولي ل هالدرجة زوجك معمي ل هالدرجة انتي رخيصه عنده ولا فكر حتى يعرف عنك اي شي




انا خنقتي و حسرتي على زوجي اقول انه بار في امه و يحترمها ويطيعها و يساعدها وشايلها فوق راسه انا حتى مابي اقول انه ضعيف شخصية لان هذا الشي واجبه تجاه امه ، طيب و الام ؟؟ وش واجبها تجاه ولدها ؟ ليش كذا تسوي فيه و مفهمته انه هذا الصح وزوجي غاطس بالمشاكل انا بعد كل الي سواه اعرفه عدل هو يحبني وكل شي بس ما يقدر يوقف قدام امه




اتصورن يا بنات قد ما عملت فيني و ب اهلي هي وابنها صرت حتى اخاف انطق اسمه في البيت

خلقت كره ما من بعده كره وحقد و احتقار لدرجة الحين اهل زوجي اخوانه وابوه و خالاته و اقربائه و اهلي و خالاتي وعماتي واقربائي ما يطيقون يشوفون بعض ، يعني كيف ممكن انسان يقدر يخلق هالكره و الحقد و يظلم ويحرم و يفرق و في الاخير يتبكبك قدام الناس وتقول انها مظلومه




والله اني تعبانه و مقهوره و محروق قلبي وفيني غصة ، والله لو لا امي ربي يخليها انها طيبه وحنونة وعادلة وتخاف من الله و حتى انها وقت ما زوجت اخوي قالتله شوف بتسكن انته وزوجتك ببيت لحالكم بتزوروني وقت الي تبون و لمدة ساعه فقط مابي بنت الناس في يوم من الايام تحس ب عدم الراحة ، مع ان اهلي حالتهم على قدهم ، امي باعت ذهبها و اشترت لزوجة اخوي بيت قالت اخاف من الظلم

والله لو لا امي لكرهت كل الامهات.




و الحين زوجي كل يوم بسمع من وحده في الجامعه كلام عنه ، كيف انه يتكلم عني ويقول ان انا كنت اغار من امه و افتعل المشاكل !!!

طبعا هذي كلمة امه الي كانت ترددها كل ما شافت وحده من قرابتها تقول فلانه تغار مني !




حسبي الله ونعم الوكيل