غضب امي

مرحباا
اخي صار ٣٠ سنة درس طب بشري وتخرج بدرجة امتياز متقن للغة الانجليزية والفرنسية والالمانية والسويدية تقريبا ١٢ سنة من حياتو قضاها باللغات والدراسة لطلع بهيك امتياز
امي صارت بدها تزوجو بنت خالتي لي اصغر منو بسنين غصب عنك بدك تاخدها يا اما بغضب عليك وهو مابيحبها
صارت مشاكل كبيرة كثير بينو وبين امي مشان هذا الموضوع البنت كبرت صارت ١٦ وصارت تحاكيه على انو خطيبها وهو رافض بس قرر يتنازل مشان امي لكن البنت بهديك الفترة جننتو رسميا وكانت بدها تكون متحكمة فيه ويكون خاتم ب اصبعها وهو مستغرب لحتى قلها مابيني وبينك شي لاتحاكيني 
الولد مصارح انو بيحب وحدة بالجامعة معو وبس يخلصو بدهن يتزوجو
جواب امي مابعترف فيها مافي الا بنت خالتك واذا تزوجت زميلتك بالجامعة مابعترف فيك ولا بعترف بولادك وبغضب عليك طول عمري
كبرت الخانوم كم سنة بعدين غيرت رأيها قال ماطموحي اخذ قريب وامي بدها ياها بعدين فاتت تدرس طب ورسبت وطلعت وبعدين قالت بدي ياه وامي وخالتي يطرشو الموضوع انهن مخطوبين غصب عن الشاب بدو يخطبها ويتزوجها ويترك لي بيحبها
انا ضد الحب وهالشغلات هي بس شو بدي اعمل اخي وحر بحياتو
صار وقت الاستغلال ياعيني
على اساس مابدنا مهر ونحنا شاريين رجال بس اختلف الكلام بدنا دهب قيمتو هديك الحسبة بدنا مابعرف شو بدنا مهر هديك الحسبة وبدنا مأخر الشاب قلهم مامعي كذبوه
الشب اخيرا حط حد للموضوع قبل ٣ اشهر وانهى الجدال
لا بدي بنتك ولا بدي طلتها وبدك تزعلي ازعلي ماعاد اجامل
خالتي زعلت وامي زعلت والشاب استهلك كامل طاقتو وانفجر
هدأت الامور وخلص وقال ل امي عمري ضاع بدي ياكي تخطبي الزميلة لكن امي رفضت يابنت خالتك يا اما خليك هيك طول عمرك
صارت المفاجأة الكبرى وقت جاب وحدة وعرفها عليناقلتلو خطبتها قلي خطبة شو نحنا تزوجنا بعقد محكمة خلص
هذا خيار كنت متوقعتو كثيرنزل الخبر علينا مثل المي الباردة البنت ابوها مسلم وامها مسيحية ودارسة طب مثلو ب اختلاف التخصص مسلمة وعلى قولها مشان نطمن اكثر جابت ورقة من الاوقاف بتثبت اسلامها
ابوها ميت واخوانها برا البلد وامها موجودة وكانت موافقة
ابي درويش وعلى نياتو لما قلو هي زوجتي ابتسم وباركلهم اما امي لا قلعتها برا البيت برا يافاجرة برا ياكافرة ودعوات غضب على اخي لما قال بحب وحدة افتكرناها من ثوبنا ومن عاداتنا اما هي لااقل شي نحنا محجبات وهي لا
صعقت لما عرفت شخصيتها لكن خلص تزوجو وانتهى الامر بدون اي عرس ولا حفلة وهدفهم التالي هو الهجرة بس مابدهم يطلعو نهائيا بدون ما امي ترضى عليه وتسامحو
حرام البنت تواصلت معاها اكثر من مرة انسانة طيوبة وراقية كثير لكن بنظر امي انها فلتانة ونايمة مع الف شاب غير اخي

حرام هالتفكير هذا والخوض بهيك كلام على المخلوقة
جد صرت مقهورة من امي وتصرفاتها

ضيعتي عمر ابنك على بنت اختك لي جننتنا وفوقها هلق غضبانة وبدها يطلق ويرجع ياخذ بنت خالتو لي امها ماشية بسيرة مرت اخي على كل لسان
هذا ماعدل نهائيا والله مقهورة من امي ومن تصرفها كثير
شو الحل وشو الحكاية حرام بقى