رااويه :

صراحه مالي خبره بالدراسه بس ناويه ادرس و شغاله على هالوضع و المعهد الي كلمانه و قلنا له عن العبايه رحب بالحجاب حاليا انا بعبايتي الراس و ناويه لما ادرس البس حقت الكتف السوداء اريح بالحركه مع اني مااعرف البسها :icon30: لكن بتكون اريح و استر من الراس خصوصا بالجلسه و الدراسه .. العام كنا في مدينه مافي سعوديين الا احنا مدينه صغيره و اغلب اللي فيها كبار السن كانو مستغربين شوي الحجاب خصوصا نقاب والعبايه اسود و ع الراس بس عادي تعودو ع الوضع و الحين في ولايه ثانيه مستغربين اكثر لان متعودين كل البنات لاجو هنا يكشفون و يفصخون العبايه :frown: و مره بس تعرضت لمضايقه بس مو ذاك الشي كنا انا وزوجي نمشي و الشارع فاضي و كان حرمه عجوز واقفه عند بيت و لما تعدينها بكثيييييير تكلمت انا صراحه ماتوقعت تكلمنا لانها كانت بعيده بس زوجي رجع لها و قال تكلميني ؟ > كان حسن النيه قالت ايه ارجعو بلادكم انا مااحب دينكم عاد هنا زوجي عصب و عطاها المقسووم من الكلام و مااعرفت ترد :cool: لو الشارع فيه احد غيرها ماكان تكلمت و بسسسس

صراحه مالي خبره بالدراسه بس ناويه ادرس و شغاله على هالوضع و المعهد الي كلمانه و قلنا له عن...

ميسز99 :

شوفي حبيبتي انا ابتكلم عن تجربه منقبه ونقابي وعبايتي سوداء نفس حقتي بالضبط اللي بالسعوديه عبايه علي الكتف ونقاب وبصراحه انا اكثر وحده جربت الجانبين تدرين ليش لاني السنه الاولي عشت في مدينه فيها جاليه مسلمه كبيره ومدينه كبيره وفيها ثقافات كثيره وفي جامعه قويه محترمه وخلصت اللغه وجاني قبول في ولايه ثانيه السنه اللي بعدها عشت في مدينه صغيره واهلها يعتبرون عنصريين ومافيها ولا منقبه وانا الوحيده في المنقبه في المدينه اول ماجيت ولابعد عبايه سوداء خخخخخ يعني كملت وانا مو مرافقه انا مبتعثه واحضر الماجستير وانا المسوووله عن كل شي هنا اطلع واروح واجي واسوق لانه مرافقي اصغر مني والله والله علي مااقول شهيد انه ماعمري تعرضت لموقف عنصري او انه احد اجبرني اشيله لا في الجامعه ولا بنك ولامستشفى لدرجه والله العظيم والله العظيم وانا مسووله امام الله بكلامي هذا انه بطاقتي الجامعيه حقت الجامعه اللي ادرس فيها الان مصوره وانا بنقابي ,,,,,ايه بنقابي ,,,اول ماجيت رحت لهم علي اساس اطلع بطاقه ,,,قالت لي اجلسي هنا وشيلي النقاب علشان نصورك ,,,قلت لها اوكي بس ابي مكان فيه خصوصيه شوي ,,,لانه الكرسي والكميرا في مكان زي الممر يعني مو غرفه وباب يتسكر ,,,قالت لي لحظه وراحت نادت مديرتها وطبعا هذي وحده اسرئيليه ,,,سلمت علي وقالت ايوه انا عارفه وضعكم انا اسرائيليه واعرفكم يالعرب ,,,خلاص صوريها بنقابها لانه اصلا مافيه احد منقب الا هي وغير كذا احنا نقدر نعرفها من عيونها والله ماصدقتي نفسي وشكرتها علي لطفها وصورت بنقابي مع انه جامعتي الاولى صورت بحجابي ,,,بس قالو لي جيبي لنا صوره واحنا نحطها ببطاقتك الجامعيه بدال مانصورك بس سبحان الله ربي يسرها لي انا عندي قناعه داااايم من يتق الله يجعل له مخرجا,,,والله حتى بالمطار لما يطلبون الكشف علي طول اطلب مكان فيه خصوصيه وموظفه والله العظيم اقسم بالله علي كثر سفاراتي الداخليه في امريكا انه مرتين دخلت الطياره وانا مااحد طلب كشفي وجهي ,,,ايه صح احيانا يطلبون وخصوصا لو جايه من رحله دوليه ,,,بس اذا رحله داخليه مرتين صارت معي مااحد طلب مني اكشف انا هنا قربت اتخرج واتكلم عن وضعي انا كمنقبه في امريكا واتكلم عن تجربه واشياء صارت معي يعني مو كلام فلانه وعلانه ,,انا مجربه الوضع بنفسي بس ماادري عن وضع الدول الثانيه يعني الزبده الوضع سهااالات وانا من جيت ماعمري تعرضت لموقف الا مره وحده فقط في طول مده اقامتي في امريكا..... مره وحده حرمه شافتني ومرت من جنبي وكملت طريقها لين بعدت عني وتاكدت اني بعيده وبعدين قالت ارجعي لديرتك وطبعا هاذي الحرمه ماتلكمت لين تاكدت انه مافيه احد يسمعها لانه لو انا ابغى اقدر انادي الشرطه واقول هاذي تعاملني بعنصريه ويجرونها مع شوشتها يعني الزبده الموضوع سهل ومو مثل مااحنا متصورينه اتذكر قبل لاجي امريكا ماخليت احد ماسألته ولا منتدى ماكتبت فيه وطبعا لا يخلو الوضع من الناس اللي يرهبون ويسوون من الحبه قبه ,,,ايه صح الوضع ماراح يكون سهل عليك خصوصا بالبدايه ...وايه صح انه الاكتفاء بالحجاب اسهل ,,,بس هل هو صح انه تتخلين عن نقابك خوفا من الناس؟ انا ماني ضد اللي تكشف وجهها في حاله وحده انها في بلدها او بالسعوديه هي اصلا كاشفه وتتبع مذهب يبيح الكشف,,,لانه علشان نكون واقعيين فيه علماء حلل الكشف لكن بشروط وفي اوضاع محدده ,,,بس انا ضد الانسانه الانهزاميه اللي تعيش بزداوجيه تكون بالسعوديه متغطيه ومنقبه واول ماتطلع برا علي طول تشيله وعذرها الدراسه والنظرات والاجانب والمجتمع مايتقبلوننا,,هذي انسانه ثقتها بنفسها ومبدأها بالحياه ضعيف وصدقيني الامريكان والاجانب عموما مايحترمون الناس اللي مايحترمون ثقافتهم ودينهم اتمنى حبيبتي اني افدتك انتي وكثيييير من البنات اللي منقبات وبيون يدرسون اقولهم تعالو ,,,ولا تخلون حجابكم يوقف قدام طموحكم ,,,الموضوع يبغاله جرأه شوي ,,,,المدينه اول ماجيتها مافيها الا انا والحين قصم بالله صار عددنا يمكن خمس منقبات ,,,اصلا تحسين الجامعه خلاص تعودت علينا يعني الموضوع بس رهبه ..اكسري انتي الحاجز وتعالي

شوفي حبيبتي انا ابتكلم عن تجربه منقبه ونقابي وعبايتي سوداء نفس حقتي بالضبط اللي بالسعوديه عبايه...