غلطانة ولا كيف ☹

السلام عليكم
كيفكم ان شاء الله بخير
بدخل ف الموضوع
انا عندي صحبة في الجامعة تمام وكان عندنا واجب وقعدنا نحل مع بعض بس كل وحده تسوي حقها غير عن الثانيه
ولمن جينا وقت المحاضرة كانت وحده تسألني كيف الحل وكدا اشرحلها يعني وكنت اشرحلها وصحبتي هذه كانت تطالع فيا وبعد ماراحت البنت الي كانت تسألني


قالتلي لا توري احد شغلك وكدا عشان لا يسو زيك قلتلها والله ماجا ع بالي وانا بس كنت بشرحلها مو اوريها حلي
المهم بعدها بكم يوم انا سويت حقي وزبط معايا شغلي وصحبتي هذه مازبط معاها وكانت تسألنيي عشان اشرحلها وشرحت لها وبرضو مازبط معاها
اخر شي قالتلي اعطيني جزء من حلك


وانا اتذكرت لمن هي قالتلي لا تعطي احد حلك وكدا وقتلها


ماينفع اعطيكي حنصير زي بعض وحطيت فيس مبتسم
وقالت طيب خلاص انا احاول فيه
واحسها زعلت من كلامي
بعدها كم ساعه سألت ها كيف زبط معاكي ماردت




الي يهمني هل انا غلطت ف حقها
لانو دائما احاسب نفسي كثير ودا الشي يتعبني 😔😔


وصرااحه انا دائما اعطي بس لمن اطلب منها شرح لشي تتطووول او تقول ماعرفت وكدا
فأنا حبيت اني اعاملها بالمثثل
وبس والله