غلطة حياتي

السلام عليكم و رحمة الله
انا ذكرت سابقا اني كنت مطلقة بسبب التشنج المهبلي و عدم اتمام العلاقه و انخطبت بعد زواجي بفتره و كان خطيبي يعرف مشكلتي
و ابوي عشان هالموضوع أبوي عطاني الضوء الاخضر اني اخذ راحتي معاه بشرط اني ما اعلم اخواتي اي شي
الى انت تمت العلاقه اثناء فتره الملكة لمرة واحده فقط و تم الحمل
سبحان لله و اخواتي كثير زعلو يشوفون ان هالشي غلط و ما فيه اي
اخلاق المهم بعد الحمل اضهظت بعد شهرين و بعد شهرين سويت حفله و لبست ابيض لكني اسميها استقبال مو عرس
و قررو اخواتي انهم ما يحضرون الاستقبال
كل اهلي جو الا اخواتي
و بعد الحفل و بعد مده صار زوجي اخذ موقف منهم
بالبدايه كان يوديني لأخواتي لبيوتهم و هو راضي
الحين صار له شهرين رافض يوديني لبيوتهم
صار يوديني بس لبيت ابوي كل ما بغيت و الشاليه اذا تجمعنا
و انا حيل زعلانه .. زوجي من جهه و اخواتي من جهه مو عارفه ارضي مين
و من تزوجت اخواتي ما جو حتى للبيت يقولون عشان بيتك بعيد
هالاسبوع راح يجون لي بس بعد اصرار أبوي عليهم
المشكله الحين اخواتي يقولون بيتك بعيد و انا ما احس هذا السبب
و زوجي يقول لي خواتك ما يحبونك
و لما اقول لاخواتي زوجي رافض ادخل بيتوكم عشان ماخذ موقف منكم عشان ما جيتو الحفل تقول احنا ما جينا الحفل بسبب اخلاقك الوسخه
الزبده زوجي رافض له اسبابه اللي هم بعد البيت و عدم حضورهم الحفل
و اخواتي ما يتنازلون عشان اللي صار و حملي
و عشان بيتي و البعد عن بيوتهم
و لما ابوي كلم خواتي عشان يتجمعون عندي بس وحده و لا ثنتين وافقو و الباقي لاء
صرت احس بالندم على اللي صار بأيام ملكتي
لانهم يحطون الغلط علي
و المشكله مو كذا المشكله احس اني كرهت زوجي و حياتي و بيتي و صرت على طول قلقه
شسوي