السلام عليكم يابنات انا ابغاكم رايكم الصريح في هذا الموضوع ....مازال فكري مشغول بها برغم مرور ستة عشر سنة ...بابدا السالفة من البداية عشان تكون الصورة عندكم واظحه...انا كنت في اولى ثانوي الله يزين ذيك الايام ماكان همنا الا الدراسه والوناسة(انا كنت خوافه درجه اولى )وشاطره بس ملزقة بالكتب وكان عندي صديقات الله يذكرهم بالخير زي العسل مازال بعضهم يواصلني إلى الان ...كان فيه وحده منهم مميزه باخلاقها وذوقها وادبها ..وكان في وجهها نور عجيب وكل البنات يحبونها والله كانت محبوبه جدا مرحه واخلاقها عالية وملتزمه ومتفوقة جدا تعرفت عليها ذيك السنة وكنت احيان اناديها تجلس مع شلتي يعني لها اصدقاء كثير فكنت ايام ماشوفها وفجاه اشوفها ولاهي متغيره سواد تحت عيونها ولبسها مهمل وحالتها حاله وكانها باكيه طبعا كلنا انصدمنا قلنا اكيد احد مات سالنها قالت لا بس انا كنت سهرانه؟؟ .... ؟عاد حنا مشيناها بس البنت كل مالها حالها بزيادةالى درجة انها جات امتحان الرياضيات النهائي ماهي مذاكرة شي جتني تبكي انا ماني فاهمه ...معقوله البنت المتفوقة تجي مهي مذاكرة المهم عدى الامتحان وقلت خلاص لازم اكلمها قلت لها وضعك غريب انتي مريضة ايش عندك مايصير اللي انت فيه احاول افهم تعرفون ايش ردت ..قالت بس انا كنت سهرانه اسمع اغاني انا وجهي صار:oلان هذي البنت كانت دايما تنصحنا من الاغاني وكنا ننحرج منها بصراحه مافهمت السالفة فقفلت الموضوع ..كانت في وادي والناس في وادي وكانت تزيد حالتها وكانت كتومه وغامضه حاولنا معاها بس مافيه فايدة وفي يوم لقيتني وااحنا رايحين البيت قالت لي انت تعرفين خالد ال....
قلت لا منهو ؟قالت هو يعرفكم زين ويسال عنك انت واختك ويسولف عنكم عاد انا هنا فار الدم في راسي :mad:قلت والله لاعلم اخوي من هذا الي يعرفنا؟؟يابنات اناخبله ماسالتها منين عرفت ولا ايش دراكي عنه عاد علمت اخوي استغرب بس قال ماعليكي المهم طنشت وما سالتها وعادي مرت الايام..صرنا في الكلية كنا نسجل لقيت صديقتي ومازال حالها على ماهو عليه ونجحت بصعوبه سلام وكيفك بعدها سالتني تعرفين فلان قلت لها ايوة هذا من الجماعة اقرب انسان لابوي يحبه حيل قالت تعرفين رقمهم قلت ولا يهمك اجيبه من امي بكره.؟؟؟يابنات الغريب اني ماكنت اسالها ليه اوكيف تعرفينهم كنت اجاوبها بسرعه الى الان ماني مستوعبه ليه ماانتبهت او على الاقل افهم ؟؟وفعلا اليوم الثاني جبته لها قالت تعرفين عياله فلان وفلان ...قلت مااذكرهم ؟قالت ترى فلان يحبك ويبغى يتقدملك ايش رايك ؟انا وكلي صدمة اذا ابوي وافق انا موافقه ؟الغررررريب اني كنت لو احد يسالني عن الزواج كنت اضحك واستهزي طيب ليه معاها بالذات كنت جاده وليه ماستنكرت كلامها ..هي ضحكت وقالت امزح امزح وانا قعدت القط وجهي المهم مرت الايام توفت ام صديقتي وهي تولد وعاشت ايام صعبه تحملت هم اخوانها وهم ابوها اللي صابه انهيار واجلت دراستهاعاد انا انخطبت طبعا اللي خطبني هو نفس الشخص اللي قالت انه يبغاني ؟انا رجعت افكر بكلامها بغيت انجن ايش علاقتها فيه يارب رحمتك وعلى طول ارسلت لها رساله مع اختها ابغى افهم ارسلت لي انه صديق زوج خالتها وكان يقوله كل شي انا مشيتها لحد ماقابلتها وجه لوجه اصرت على كلامها سكت وطنشت الموضوع ..وصرت اجهز لزواجي وطبعا ماكنت اكلم خطيبي عشان كذا عديت الموضوع وفجاة نادتني قالت ابغا اعترف لك ؟انا اعرف خطيبك لاني كنت اكلمه وكنت احبه طبعا يابنات انا انصدمت اي وحدة الا هذي البنت انا ماقولكم اني ماشكيت فيها بس ماصدقت كانت تبكي بكاء يقطع القلب قالت تذكرين ايام الثانوي من هذيك الايام انا تعلقت فيه وماكنت اقدر اعيش من دونه ..انا سالتها كيف عرفتيه ؟طبعا وروطوها بنات عمتها قالت كانت بنت عمتي تحب ولدعمتي الثانيه وصارنينهم مشاكل فتركتههو انقهر فصار يهددها باشرطه مسحلها عليها طبعا خافت كلمته ولكن كان مصر فطلبت مني والكلام على لسان صديقتي اني اكلم ولد عمتي يمكن يسمع مني بحكم انالعائله كلهم يحترموني وفعلا كلمنا ولكن كان يرد صديقه ولم شاف الحاحنا قولوا لي يمكن اقدر اساعدكم فقلت له السالفه وفعلا اخذ الاشرطه وكسرها ..وانتهى الموضوع لكن انا تعلقت بهذا اللي ساعدنا وصرت اكلمه كل يوم وقاللي اسمه خالد وكنت اعلمه عن صديقاتي ويوم قلتله عنك قالي انه يعرفكم ومع الايام اتعلق فيه اكثر واكثر ..تصدقين ومازال الكلام على لسان صديقتي ان ابوي الله كان حاط في السطح تسجيل بس كانالله يستر علي كنت اسهر طول الليل اكلمه كنت احبه ولااقدر اعيش من دونه كنت اقول ياربي هو جوعان بردان كنت ابكي اذاتخيلت يصير فيه شي (هذا كان سبب تغيرها )بعدين اعترف لي باسمه الحقيقي واعترف لي انه يحبك انت من وانتو صغار وانه اكثر من مره خطبك من ابوكي وابوكي يرفضةوانا من كثر مايحبك صرت احبك وكان دايما يسالني عنك (طبعا هنا انصدمت وتذكرت يوم قالت فلان يبغا يخطبك وكيف صدقت سوؤالها وحاوبتها بجديه )كانت صديقتي تبكي بكاء حار وانا ماني مستوعبه فالت للاسف امي الله يرحمها هي اللي كشفتني وضربتني ضرب بس ماعلمت ابوي وقعدت زعلانه مني ماتكلمني لين ماتت بس وصتني على اخواني وهذا اكبر عقاب لي ان امي تموت ماهي راضيه علي وانا الان رافضه الزواج باربي اخواني..
اه يالقهر ا.عاد انا من التفكير والقهر علمت اقر ب صديقاتيبغيت افضفض واستشيرها وكنا يوميا نتناقش الموضوع ماهو سهل هذا البنت كانت تكلم خطيبي وهي عارفه انه يبغاني لا وكانت توصله اخباري وهذا اللي كان موجعني واقرب صديقاتي كانت تقول انسي هذا البنت ولاكانك تعرفينها انا رفضت وقلت هذي صديقتنا ومحتاجه لنامو معناها غلطت نتخلى عنها وبعدين سامحتها لانها ماكانت تعرف انه خطيبي من اول المهم احتد الخلاف بيني وبين اقرب صديقاتي قامت قالت الموضوع لباقي الشله وهم اربع بنات يعني بالمختصر فضحنا البنت بدو ن قصد البنات اللي معنا سكتوا وحده من البنات كانت توها جات معناوماكنت ارتاحلهاهذي البنت سمعت كل الكلام المفاجاة هذي البنت وحده منالبنات اللي ورطوا صديقتي بطلة القصة من البداية طبعا شنو عليها بنات عماتها حرب عشان ماتفضحههم وابوها زوجهاغصب عنها بولد عمتهاولادري ايش صار فيها بعدذلك تزوجت وواجهته تعرفون ايش قال رحمتها على نياتها لو طاحت بيد غيري كان ضاعت لاني لو اطلب منها اي شي كان سوته بس رحمتها...انا الان تطلقت من زوجي وانا اللي طلبت الطلاقلاني من يوم تزوجت وانا في مشاكل ثانيا انا ضميري يأنبني عشان صديقتي احس اني طلعت سرها وتسببت في معاناتها لم اجد لها طريق اريد اناجدها لاطلب منها السماح وطمئن عليهاوشكرا خلاص تعبت
هذا الموضوع مغلق.
عروب الموده
•
الخط مرة صغير
الله يفرج همك وبعدين لاتقسين على نفسك كثير انتي ماكنتي قاصده تاذينها ادعي لها في صلاتك وربي يجمع شملك مع اطفالك يارب
ههههههههههههههههههههه والله عورتني عيوني من الخط عادي حبيبتي لانك متضايقه مو مركزه الله يفررج همك وهمومنا
الصفحة الأخيرة