***غلطة شوق اسمّيها***

مساكم الله بالخير احبابي

اتمنى هذي القصيده تحوز على البسيط من رضاكم:


سرحـــــت بشوقي الثاير...وليت عيني تبكّيها
لقيت بـــــروحي نســـيان...ولا غيره فيه باقي

الى متى و انا صابر...والفرحه بالحزن تشقيها
و بعد الشقا هجران...ودمعي بعيني حراقي

أذكر ايامنا وانت عابر...اذكـــرها يــــوم تحكيها
يمكن يجي الحيران..وأعرف شمسي واشراقي

انشد عنك يامسافر...وبــصــمة خــوف الاقيها
وأظل بخوفي سهران...واحاول اغمض احداقي

اغــــلط واسأل وخابر...وغــلطة شوق أسميها
لــــكل محب وغلطان...و غـــلطه رتبت اوراقي

الحــين انـــا مو قادر...كــلمة حــق و اخفيها
انا أحبك وظميان...وعند بابي يجري الساقي

احسنت بالقساشاطر...افهم الكلمه معانيها
تعب الليل وهو سهران...يجمّع باقي اشواقي

ابفهم ليه هذا الــتكابر...ترانا انخلقنا بواطيها
ولا الغرور بك شفقان؟...علمني كيف تشتاقي

تـعب جفني وهو ساهر...و لا أدري بــــتاليها
ماعاد بقا بالأجفان...غير حزن وفرحة سرّاقي

خــــــــلقني ربي حاذر...وخايف انها تسويها
كنت شاعر فنان...وطلّعت الي في اعماقي

خذ بروحي عن الخاطر...وترفّق في بلاويها
وشوف دمعة الحزنان...تلمع في عينه الراقي

شوف قساك في الحاضر...وانسى كل ماضيها
شـــــــوفها تعانق البنيان...مثل العلم خفاقي

تبي تحــــميني ياساحر...وحــــاميها حراميها
ومن سحرك انا تعبان...وسحرك قطعو اعناقي

ابـــي اوصــــــل للآخر...ابي ارتـــــاح و انهيها
ولاكـــــن قلبي الخوان...خان وضيّع اتـــفاقي

تــــعال وشـــوف وناظر...وفــرصتــك لا تخليها
حبيب الروح الي كان...اشــــوف عيونه بآفاقي

ونــــهاية قصيدة شاعر...قصـــيدة وداع ابنيها
وأذكر اســـــم الرحــمن...بداية ونهاية فراقي



********************

وسلامتكم