هلا فيكم احنا طلعنا المخطط وبدأنا بالحفر بعطيكم نبذه عن البيت
1-القبو صالة العاب+مخزن+غوفه للضيوف مع حمامها+غرفه احتياط+مسبح مع الشاور
2-الدور الارضي مدخل الرجال6×3المجلس5×7مقابله مكتب دائري زجاج3.80×3.50وبجنبه مقلط 6×4مقابله حمام4×2
بعدها ندخل من المقلط على الصاله المفتوحه والدرج جانبي علشان المساحه مساحتها 14.50×5 طبعا مفتوح على الصاله مجلس الحريم4×6 بجنبه حمام 1.30×3.80 بجنبه المطبخ المفتوح 4.20×4.20 وبجنبه مطبخ الكرف5×4.30طبعا ماراح اخليهم يقسمونه الا اذا شفته على لطبيعه لانى بصغر المفتوح ومطبخ الكرف يفتح على سيب اللى ورا بحيث يخدم ملحق الحريم وفيه مخزن صغير بعد
بجنب المطبخ فيه باب لدرج الخدمه ينزلك للقبو ويطلعك للسطح وبجنبه عل طول حمام وغرفه سويتها لام زوجى لانه هو الكبير احتمال تقعد عنده مساحتها4.70×ه
هذا الدور الارضي طبعا بعد ماقرات موضوعكم تحسفت انه ماعندى غرفة معيشه وش رايكم يابنات بالتصميم يمدينا نعدل فيه لاننا في مرحلة الحفر ايش تقترحون علي وسويت عند مدخل الحريم اول ماتدخلين من الشارع على اليسار مجلس خارجي حلو بالشتا ناويه اسويه مغربي شعبي
3-الدور الثاني سويت قبه تطل على الارضي اول ماترقين الدرج عل يسارك على طول الغرفه الرئيسية كبيره مره سويتها على مساحه مجالس الرجال لانها فوقها فيها غرفه ملابس وحمام كبير وجلسه صغيره وفيها بلكونه دائريه فوق المكتب مباشره ونفس البلكونه فيها باب لغرفه بنتى الكبيره بعدها عندى الصاله نفس المساحه اللى تحت وفيه غرفتين مساحتهم 4.30×5كلهم نفس الحجم وبينهم حمام 2.50×2 وبجنبهم غرفه ثانيه نفس المساحه والحمام داخل وفيه غرفه ثانيه بحمامها بجنب درج الخدمه على طول ناويه اخلى الغسالات بالحمام وتصير الغرفه كلها دروج للملابس فهمتو علي؟؟؟
وفيه بالصاله كونتر للشائ
يعنى الاربع غرف حقة الاطفال ناويه مااحط فيهم دروج تصير هذى الغرفة للملابس فقط يعنى افصل الدرج داير الغرفه وكل ودحه من البنات اخصص لها ادراجه ايش رايكم بالفكره وتصير بالمره الشغاله تكوي فيها وتوزع الملابس بالادراج على طول
ازعجتكم صح؟؟؟
ايش رايكم بالتخطيط اذا تبغونى احط المخطط ماعندي مشكله والغرف ماتشوفون انها صغيره؟ الصاله عندى كبيره وجايه نص دائرة زوجى يقولى نقفلها وتصير غرفه بس ماايدته على الفكره لان الغرف كفايه
اممممم ايش بعد
عندي احساس انى اذا سكنت بتحسف على انى ماخليت غرفة معيشه لنا لان الدور الارضي للضيوف!!!وهذى مشكلتنا وقت التخطيط اهم شي الناسسسسسسس كيف اتفادى هالمشكله هل نستغل الصاله لانها كبيره اقدر اقسمها كذا جلسه!
انتظر ارائكم
اختي العيال بيكبرون ***** الله وكل واحد منهم راح يكون عنده خصوصيه بالنسبه للملابس مادري انتي بترحيين الشغاله وبتشقيين العيال وبعدين لوحب الواحد منهم يغيير لازم يطلع من غرفته وياخذ ثيابه مادري برايي عيدي النظر بغرفة الملا بس المشتركه
أخواتي العزيزات استفدت كثيييييرا مما كتب وما زلت انتظر الرد لافضل توزيع للغرف خمسة تحت وثلاثه فوق بالاضافة الى سطح وصالات بالدورين وشكرا
الصفحة الأخيرة
الحين حنا جالسين نحوس بالمخطط ياما اضفنا ياما سحبنا ياما تناقرنا وياما وسعنا وياما صغرنا وخلوها على ربكم الحين الاصوات بدت
تتعالى وشوي شوي الله يستر اقوله على السكن كل واحد كم جاطه جايته من الثاني بصراحه كنت متحمسه حيييل عشان نبني
والحين لا والله خايفه حيييل من الموضوع احس اني باكل هواء من السالفه
المهم مالكم بالطويله
ابي اخذ رايكم بكم فكره خلاص
مجلس الرجال برى واللي يربطه بالفله المقلط طيب هذي مره عاجبتني
الدرج ابي اول شي ثنين بعدين على شكل بيضاوي وبعدين مساحه بسيطه ودرج واحد بس الدرج الواحد مايكون مقابل يكون على وراء وحده مره تعرف تشرحه
ثاني شي الصالات تقريبآ ثلاث مفتوحه على بعض وحده فيهم بدرجتين دائريه غير مجلس الحريم وغرفة المعيشه
وش ريكم واللي عنده افكار تسدحه لي واكون مشكوره لكم