الله يوفقكم

وين الباقين

مشكلتي اني فصلت كنب ساده وعندي ولدي الله يحميه يعتق فيه وانا وراه على طول بالمناشف

الله يجزاكم الجنه

وين الباقيات

الله يعطيكم العافية كلكم ومشكورة صاحبة الموضوع

بالنسبة للاثاث باقولكم اشياء استفدت منها سواء من تجربتي بتاثيث شقتي او من الي شفته بشقق قريباتي

اول شي وقبل ماتصبغين البيت او تركبين سيراميك لفي محلات الاثاث اختاري الي يعجبك بعدين حددي الوان الجدران والسيراميك

لان الاثاث هو الاساس الي راح تجلسين عليه وتستخدمينه والباقي كله اصباغ تعطي منظر جمالي للاثاث الي انتي تحبيه
علشان ماتحوسين بعدين في الالوان وتعجبك شغلات بالسوق ماتضبط مع الوان الصبغ والارضيات


ثاني شي ومن تجربتي افضل شي للصالة كنب تلبيسته جلد وجلسته وخدادياته قماش روووعة بالشكل وسهولة بالتنظيف وراحة بالجلسة

ثالث شي ارضيات المطبخ والصالة والغرف اذا كنتي تبين سيراميك تجنبي الالوان الغامقة لانها تضيق المساحة ويبان فيها الوسخ
واختاري الالوان الفاتحة المطفية بدون لمعة ماتحتاج تنظيف متكرر ومايبان فيها الخدش لو حركتي الاثاث هنا وهناك
وابعدي نهائيا عن السيراميك الي جديد هاليومين مشجر بخطوط ناعمة مع الوقت تتعبا وسخ وغبار ومتعبة في التنظيف
كلما كان بلاط السيراميك كبير عطاك مساحة اكبر للمكان عكس لا تختاري الحجم الصغير وتحطيه ارضية يضيق المساحة وافضل لوتخلي الصغير للجدران فقط


بالنسبة للاثاث اذا ناوية تفصلين روحي لمحلات معروفة وبس حتى لو اسعارها مرتفعة شوية بس تفرق معاك في الاستخدام وتدووم اكثر وحدة من قريباتي فصلت كنب في سوق التلفزيون بنات الشرقية يعرفونه السعر خيال والشكل روعة بس تنفيذ سيئ مشي حالك يعني بعد سنتين او ثلاث بتغيرينه

وانا عندي كنب فصلته عند بيت الانصاري قبل 10 سنوات وكلفني بس مازال لليوم كانه جديد حتى الاسفنج تبعه ماتغير رغم ان اولادي مو مقصرين مناقز ولعب بس خذ الزين لو لحقك الدين

وشي مهم بعد دايما وانتي تختاري اطقم الحمام فكري بالاكسسوارات الي تبينها معاه مثل حامل الصابون السائل والفوط وحامل المناديل وصندوق تجمعين فيه ثياب الغسيل وفكري بمكانها من البداية


شي ثاني تذكرته ادري طولت عليكم بس عشان نستفيد كلنا وانتي تختاري الثريات للغرف اختاري الاشكال الناعمة الي تجيك مثل صحن معلق على حامل الثريا شكلها حلو
وتنظيفها اسهل وماتخافين يضيع منها اكسسوار او ينكسر يخترب شكلها

وهذا الي عندي للحين واذا تذكرت شي ثاني جيت كتبته لكم :)

موضوعكم حلو

متابعتكم

وغلطتي اني شريت طاولات للمجلس طقم 3 استفدت من وحده والثانيات مالهم مكان بالبيت وبعد فيهم زخرفه كثير متعبين بالمسح

نصيحة لاتاخذون شيء نقشاته كثيره