غلطه مني خلتها تخاف وتبتعد

السلام عليكم ورحمة الله وبركاته
انا وسلفتي كنا مثل الصديقات وبيننا محبه واحترام
استمرت الصداقه والزيارات بحكم اننا برضو جيران ٧ سنوات
طلعنا من شققنا هي اشترت بيت واحنا استاجرنا شقه اكبر
عندي وقتها٣ اطفال وهي برضو سلفتي ٣ اطفال
ابتعدنا بحكم البيوت ابتعدت
نجي للحكاية الثانيه انا تعبت ٣ اطفال اهلي ابدا مايساعدوني لو بروح مشغل او موعد اسنان محد عنده استعداد يمسكهم لا اهلي ولا اهل زوجي تمرمطت كاني بغربه زوجي كان كانه طفل رابع معاهم ماعنده استعداد يساعد ابدا صبرت وكنت افكر بالعامله تساعدني كانو اطفالي ٥ سنوات و٤ سنوات وسنه وحده كنت اعاني اغلب الزواجات الاقارب ما اقدر اروح محد عنده استعداد يمسك اطفالي اذا فتحت موضوع العامله الزوجي قال ليش اجيبلك عامله وانتي بشقه وانا دوامي شفتين ولا اتغدا ولا اتعشى عندك وطول وقتك الحالك و وماعندك مسؤلية الا الاطفال حتى ثيابي وشماغي أغسلهم واكويهم ببرى قلت له مو على شغل البيت يا فلان ابي وحده تساعدني بالاطفال ابي وحده تشيل عني اروح ازبط اسناني احط الاطفال عند العامله اروح مشغل فيه احد يمسكهم معاي اروح مول فيه وحده تساعدني انا ماابيها تكرف تنظيف وغسيل ابيها تساعدني بالاطفال انت تدري لا اهلي ولا اهلك يتحملونهم وانت وضعك مايسمح مو بالبيت دائما بالشغل انا تعبت طبعا هو طنشني وماعطاني وجه وانا مشيت الامور. ونسيت وحاولت اتعايش مرت الشهور الا يجي زوجي شفتي اخوي فلان اللي هو زوج سلفتي اللي كانت صديقتي قلت ايوه قال قدم لهم شغاله مسكينه متوذيه مع الاطفال والبيت كبير عليها وماعندها احد يمسكهم جابلها وحده تساعدها انا هنا دوروني ماتلقوني ههههههههه انفجرت قلت هي مسكينه وهي ماتقدر وضعيفه محد يقدر يساعدها وانا لا المراءة الحديديه حرام عليك ياشيخ والله تعبت ابي وحده تساعدني قال زوجي اف اف ماتوقعتك غيوره وحقوده الهدرجة بدال ماتفرحين لها قلت الله يهنيها لكن انا نفس وضعها قال لا انتي غير في شقه هي في بيت كبير هي تحتاج انتي لا ابد اذا شرينا بيت انا بنفسي بقدملك اما اني بجيب شغاله بشقه تضيق علينا لا انسي
انا ضاق صدري رحت اهلي تشكين الامي يا امي انا تعبت ابي وحده تساعدني انتم ماتساعدوني ابد تعبت يا امي اذا بروح مشغل ولا موعد مستوصف محد عنده استعداد يمسكهم امي كانت ساكته وتسمع قالت والله يابنتي انا شايفه وضعك وانا وخواتك صعبه نمسكهم خوانك مرتبطين بالجامعه وانا دوامي واهل زوجك نفس الشي الواحد يالله يتحمل نفسه بس وش رايك تاخذين الشغاله حقت عمك هذاها تحوس ماعندها شغل لان عمي مسافر شهرين هو وعياله وحطها عند اهلي قالت امي تساعدك هاالفتره انا مره انبسطت وسألت زوجي ووافق المهم مره كنت جالسه مع اخت زوجي وجابتها بالسالفه قالت انتي عزيزه وغاليه ومثل اختي ترى الواحد يا فلانه مو كل ماشاف شخص سوى شي يقلده انتي لازم تصيرلك شخصيتك مو عشان اخوي فلان جاب شغاله انتي تجيبين كلن وظروفه ولاتقارنين نفسك في احد انا هنا انحرجت وقلت وش دخل انا عمي مسافر وحطها عندي راحت السالفه شفت سلفتي بعد فتره ولا سلفتي مو سلفتي الاوليه كاشه مني وخايفه ورسميه مررره واتذكر كنا بوقتها نسولف بالسفر قلت انا اللي نفسي اروح لها لندن تحسين الناس طاحو فيها الا بسم الله سلفتي تنفعل وتقولي مو اي شي يطيحون فيه الناس انتي تقلدينهم لازم الواحد يكون له شخصيه مستقله انتي وش تحبين مو وش تشوفين الناس وش طاحو فيه عشان تقلدينهم بعد ذا الموقف فهمت انا ان البنت تحسبني حاسدتها وغيرانه منها مرت الايام وصار للسالفه هذي ٤ سنوات اتفاجى انها مسافره هي وزوجها،،،
وزوجي انا يدري وماعلمني خايف احسدهم او اعطيهم عين ،،وهي مسويتلي تحديد بالسناب
اقسم بالله انصدمت صدمه ورب الكعبه ماهمني وسفرتها ماطقيت لها خبر ،،انا الشغاله اهم علي وكنت مهتمه لاني بحااااجتها مو لاني غيرانه ليش اخذوها غيره ومقارنه ليش!! حسيت باحساس فضيع واني شخص سطحي غيور مايهمه الا الشكليات ،وانا ورب الكعبه مو كذا دائما شعاري يابلنسيا صفي النيه عشان ربي يرزقك مابحياتي حسدت احد ليش هم فهموها كذا احس بصيح من القهر يعني كل ما الواحد احتاج شغله وبالصدفه الشخص الثاني صار عنده نفس الشغله صار هذا يغار منه وقلده والله خوش
والله العظيم لو البنت هذي ما اعزها واحبها ماحز في خاطري تصرفها ولا اهتميت لكن لها معزه خاصه بقلبي وانبسط اذا شفتها لكن سبحان الله الشيطان كيف شاطر ويخرب على الانسان