غليت رضاعات ولدي وتغير لونها...ليه؟؟؟

أول مره أسمع إن الملح يضاف وقت التعقيم ..
أنا كنت أغليهن بماء بس .. لكن نصيحه أختي أخذي مكينة التعقيم وااايد أحسن و توفر عليج الوقت و المجهود و تكونين واثقه من النتيجه ..
قبل يوم كنت أغليهن عادي كنت أحس إنه أتم ريحه في المرضعه .. مع الآله مافيه هالشي .. بس لازم تنتبهين لنظافتها و إنها تجفف بعد الإستخدام عشان ما يتكون كلس فيها ..

فيه آلات بأسعار حلوه عند بيبي شوب أنا أخذت الي حجمها كبير أفضل لان كل ما كبر الطفل يزيد عدد المراضع المستخدمه ..

:26: بالتوفيق

ماله داعي الملح ترى يسوي ترسبات تخلي الحليب يعلق بالترسبات ومايروح عنه ويصير مشاكل لا سمح الله

الراضاعات زجاج ؟
تغسلينها بفيري او بي صابون بعد الحليب ؟
كم تخلينها تغلي ع النار المفروض ماتطول

أنا مثلك يصير لونها غريب ( ضبابي ) واغسلها بفيري قبلها ..والرضعات زجاج وبلاستك ..
واخليها 10 - 15 دقيقه تقريبا...
وموية الغلي من الصنبور ( الحنفيه )..
والله غريبه...!!!!!!!!
اعطونا حل يا بنات..

انا استخدم لبنتي فيري واغسل الرضعات واحطهم بالثلاجه بالليل للصبح
علشان الجو البارد يقتل الجراثيم الدكتور قاللي كذا والله اعلم.. وانا ماشيه على كذا..ماشتريت الجهاز لسه!